હેવાનિયત / ગાંધીનગરમાં ફરવા લઈ જવાના બહાને યુવકે પાંચ વર્ષની બાળકીને પીંખી નાંખી, પોક્સો એક્ટ હેઠળ ગુનો નોંધી તપાસ શરૂ

• ગાંધીનગરના સાંતેજમાં બાળકી સાથે પાપાચાર 
• પાંચ વર્ષીય બાળકીને લાલચ આપી બનાવી શિકાર 
• કોઈ જાણભેદુ હોવાની આશંકા;બાળકીનું તબીબી પરિક્ષણ 

ગાંધીનગરના સાંતેજમાં 5 વર્ષની બાળકી સાથે દુષ્કર્મની ઘટના સામે આવી છે.બાળકીને બહાર ફરવા લઈ જવાના બહાને દુષ્કર્મ આચરી યુવક ફરાર થઈ ગયો છે.હાલ તો બાળકીને મેડિકલ પરીક્ષણ માટે મોકલવામાં આવી છે.તથા પોલીસે પણ પોક્સો એક્ટ હેઠળ ગુનો નોંધીને તપાસ હાથ ધરી છે.પ્રાથમિક તપાસમાં આરોપી કોઈ જાણભેદુ હોવાનું અનુમાન લગાવવામાં આવી રહ્યું છે.

માનસિક વિકૃતનું કૃત્ય;ફિટકાર 

છેલ્લા કેટલાક સમયથી બાળકોને પોતાની હવસનો શિકાર બનાવતા વિકૃત મગજના લોકોનો ત્રાસ વધતો હોય તેમ,લોભ-લાલચ આપી, ભોળા ભૂલકાઓને પોતાની વિકૃતિનો ભોગ બનાવતા હોવાના બનાવો  વધતા,ચોતરફથી ફિટકાર વરસે છે. ગાંધીનગરના સાંતેજમાં પાંચ વર્ષની બાળકી સાથે ઘટેલી આ ઘટના સમાજના વિકૃત મગજના જ કોઈ હેવાનનું કૃત્ય છે.શક્ય છે આ હેવાન પરિવારનો પરિચિત હોય, બાળકી તેની સાથે ગઈ હશે. બાળકીને પરિક્ષણ માટે હોસ્પીટલમાં લઇ જવમાં આવી છે. 

વઢવાણમાં નવજાત શિશુ ત્યજાયું 

નવા વરસના સપરમા દિવસે જ એક બાળક માતૃત્વથી  વંચિત થઇ ગયું. હજુ મહિના પહેલા જ ગાંધીનગરમાં 10 માસના બાળકને તેનો પિતા તરછોડી ગયાની ઘટનાની શાહી સુકાઈ નથી ત્યાં સુરેન્દ્રનગરના વઢવાણના ફુલગામ ગામે નવજાત બાળક મળી આવ્યું છે. કુલગામનાં સાઈબાબાનાં મંદિર પાસે બાળકને ત્યાજીને એક શખ્સ ફરાર થઇ ગયો હતો.

અમદાવાદમાં ત્રીજી ઘટના 

અમદાવાદમાં નાના બાળક મળવાની ઘટનામાં વધારો જોવા મળી રહ્યો છે. શહેરમાં છેલ્લા 15 દિવસમાં 3 જેટલા બાળકો મળી આવ્યા છે. અમદાવાદમાં એક નાનકડી બાળકી કૃષ્ણનગર વિસ્તારમાં આવેલ મહાલક્ષ્મી મંદિર પાસે amts બસ સ્ટેન્ડ પરથી મળી આવી. ગત રાત્રે 12  આગે સ્થાનિકને બાળક રડવાનો અવાજ આવતા તપાસ કરતા મામલો સામે આવ્યો. જે બાદ સ્થાનિક પોલીસને સમગ્ર મામલે જાણ કરાતા કૃષ્ણનગર પોલીસે બાળકીના વાલી વારસની શોધખોળ હાથ ધરી છે. જોકે જ્યાંથી બાળકી મળી આવી ત્યાં CCTV નહીં હોવાથી અને જે છે તે cctv બંધ હોવાથી પોલીસે સ્થાનિકોની પૂછપરછ શરૂ કરી તપાસ શરૂ કરી છે.

પોલીસે તપાસ કરતા સામે આવ્યું છે કે બાળકી એક બે દિવસની જ છે. જેથી આસપાસની હોસ્પિટલમાં બાળકીની ડિલિવરી થઈ હોય શકે છે. અથવા તો બહારથી બાળકને લાવી AMTS બસ સ્ટેન્ડમાં મૂકી દેવામાં આવ્યું છે. જેથી પોલીસે તે દિશામાં પણ તપાસ શરૂ કરી છે. ઘટનાની જાણ પોલીસને કરતા પોલીસ કાફલો ઘટના સ્થળે પહોચ્યો હતો. બાળકને 108 ટીમની મદદથી હોસ્પિટલ ખસેડાયો હતો. પોલીસે વધુ તપાસ હાથ ધરી છે.