અમદાવાદના સરસપુર વિસ્તારમાં એક છેતરપિંડીનો બનાવ સામે આવ્યો છે. જેમા એક યુવકે ઓનલાઈન પેટ્રોલપંપની ડિલરશીપ લેવાનો ટ્રાય કર્યો હતો. પરંતુ આરોપીઓએ તેની સાથે 36 લાખની છેતરપિંડી આચરી હતી.
ઓનલાઈન વ્યવહાર કરતા પહેલા એકવાર ચેતી જજો
અમદાવાદના સરસપુરમાં સામે આવ્યો છેતરપિંડીનો બનાવ
યુવક ઓનલાઈન પેટ્રોલપંપની ડિલરશીપ લેવા ગયો હતો
આરોપીઓએ 36 લાખની છેતરપિંડી આચરી
હાલના ડિજિટલ યુગમાં ઓનલાઈન છેતરપિંડીની ઘટનાઓ વધી રહી છે. ગિઠયા ખાતાધારકો પાસેથી ગુપ્ત માહિતી મેળવીને નાણાંની ઉઠાંતરી કરી લેતા હોય છે ત્યારે સરસપુરમાં રહેતા એએમસીના કર્મચારીના પુત્રએ ગૂગલમાં સર્ચ કરી વેબસાઈટ પર પેટ્રોલ પંપની ડીલરિશપ લેવાનું ફોર્મ ભર્યું હતું. ત્યાર બાદ ઠગાઈનો ધંધો આચરતા ગઠિયાએ ડીલરિશપના બહાને વૃદ્ધ પાસેથી ૩૬ લાખ પડાવી લીધા હોવાની ઘટના સામે આવી છે.
ભોગ બનનાર નિવૃત્ત અધિકારીનો દિકરો
સરસપુરના પ્રાર્થના બંગ્લોઝમાં રહેતા ૫૮ વર્ષીય ઠાકોરભાઈ પટેલે સાયબર ક્રાઇમમાં ફરિયાદ નોંધાવી છે. ઠાકોરભાઈ પટેલ એએમસીમાં જુનિયર ચાર્જમેન વિભાગમાંથી હાલમાં નિવૃત્તિ લીધી છે. ઠાકોરભાઈના દીકરાએ હાલમાં ડિપ્લોમા એન્જિનિયરિંગનો અભ્યાસ પૂર્ણ કર્યો છે.
પિતાના નામથી વિગતો ભરી
ઠાકોરભાઈના દીકરા ભાર્ગવને ઇન્ડિયન ઓઇલની પેટ્રોલ પંપની ડીલરિશપ લેવાની હોવાથી તે ગૂગલ પર સર્ચ કરતો હતો. તે વખતે એક વેબસાઈટમાં એક ફોર્મ ખૂલ્યું હતું. જેમાં નવા પેટ્રોલ પંપનું ઓપ્શન આવતાં ભાર્ગવે પિતાના નામથી તમામ વિગત ભરી દીધી હતી.
આરોપીઓએ ડોક્યુંમેન્ટ પણ માગ્યા હતા
બીજા દિવસે ભાર્ગવ પર અજાણ્યા નંબર પરથી ફોન આવ્યો હતો. ફોન કરનારે ભાર્ગવ પાસે આધારકાર્ડ, પાનકાર્ડ સહિતના ડોક્યુમેન્ટ માગ્યા હતા, જેથી ભાર્ગવે પિતાના તમામ ડોક્યુમેન્ટ ગઠિયાને વોટ્સએપમાં મોકલી આપ્યા હતા. ગઠિયાએ ભાર્ગવ સાથે ડીલરશિપ લેવા માટે ૧૫થી ૨૦ લાખ રૂપિયાનાં રોકાણની વાત કરી તેને વિશ્વાસમાં લઈ ડીલરશીપ આપવાનું વચન આપ્યું હતું અને પૂછ્યું હતું કે તમારે પેટ્રોલ પંપ ક્યાં વિસ્તારમાં લેવો છે.
પોલીસે સમગ્ર મામલે તપાસ આરંભી
ભાર્ગવ સાથે અલગ અલગ માણસોએ ફોન કરી પેટ્રોલિયમમાંથી વાત કરીએ છીએ તેમ કહી રિજસ્ટ્રેશન ફી, સિક્યોરિટી ડિપોઝિટ, લાઇસન્સ સહિત અન્ય બહાનાં બતાવી ૩૬.૬૦ લાખની ઓનલાઈન છેતરિપંડી કરી હતી. લાખોની રકમ મેળવી લઈ ગિઠયાએ ફોન બંધ કરી દીધા હતા. આખરે ભાર્ગવે તેના પિતાને જાણ કરતાં તે છેતરાયાનો અહેસાસ થતાં તેમણે આ ઘટના અંગે સાયબર ક્રાઇમ પોલીસ સ્ટેશનમાં ફરિયાદ નોંધાવી હતી. પોલીસે ઠાકોરભાઈની ફરિયાદના આધારે ગઠિયા વિરુદ્ધ ગુનો દાખલ કરી ધરપકડ માટે દોડધામ શરૂ કરી છે.
આ અગાઉ પણ શ્યામલમાં રહેતા એક વૃદ્ધે ગૂગલમાં સર્ચ કરી વેબસાઈટ પર પેટ્રોલ પંપની ડીલરિશપ લેવાનું ફોર્મ ભરીને ડીલરિશપ લેવા જતાં છ લાખ ગુમાવ્યા હતા.
ઓફિશિયલ સાઈટનો ઉપયોગ પહેલા કરો
ઉલ્લેખનીય છે કે ગૂગલ પર સર્ચ કરતાં પહેલાં તેની ઓફિશિયલ સાઈટનો ઉપયોગ કરવો જોઈએ. તેમજ ઓનલાઈન બેન્કિંગ વેબસાઈટ, સ્ટોક માર્કેટ અથવા રોકાણને લગતી સલાહ, ઈ-કોમર્સ વેબસાઈટ, ડિસ્કાઉન્ટ કૂપન, સરકારી વેબસાઈટ, કસ્ટમર કેર નંબરની ગૂગલ સહિતના બ્રાઉઝર પર સર્ચ કરતાં પહેલાં તપાસ કરી લેવી જોઈએ. જેથી ઠગાઈ થતાં અટકી શકે છે
શહેરમાં સાયબર ક્રાઈમના કેસ વધ્યા
બીજી તરફ શહેરમાં છેલ્લા ઘણા સમયથી ઓનલાઇન છેતરપિંડી-ઠગાઈમાં નોંધપાત્ર વધારો થઇ રહ્યો છે. જુદી જુદી મોડસ ઓપરેન્ડીથી થતી છેતરપિંડીની રોજ સરેરાશ ૩૦થી ૪૦ અરજી સાયબર ક્રાઇમને મળતી હોય છે. આ ઉપરાંત ડેબિટકાર્ડ ફ્રોડ, ક્રેડિટકાર્ડ, લોન, લોટરી, નોકરી, શોપિંગ, ઓએલએક્સ, બજાજકાર્ડ, ગૂગલ એપ, પેટીએમ, કેવાયસી કે પછી ફેસબુક, ઇન્સ્ટાગ્રામથી પણ છેતરપિંડી થઇ રહી છે. સાયબર ક્રાઇમ પોલીસ લોકોને જાગૃત કરે છે તેમ છતાં