તુર્કીમાં એક યુવતી પર તેના મિત્રએ જ્યારે તે સુઈ રહી હતી તે સમયે એસિડ એટેક કર્યો. આરોપી સાથે યુવતીને પ્રેમ સંબંધ નહોતા રાખવા જેથી તેણે કૃત્યુ કર્યું. ઘટનાના 4 મહિના પછી પણ યુવતી હાલ હોસ્પિટલમાં સારવાર હેઠળ છે.
ઘરમાં સુઈ રહેલી યુવતીના મોઢા પર નાખ્યું એસિડ
આરોપી હતો યુવતીનો ખાસ મિત્ર
યુવતી સાથે રાખવા હતા આરોપીને સંબંઘ
યુવતીએ પ્રેમ સંબંધ ન રાખતા આરોપીએ તેના પર એસિડ નાખ્યું
એક મહિલા જે તેના ઘરમાં સુઈ રહી હતી તે સમયે તેના મોઢા પર એસિડ નાખી દેવામાં આવ્યું અને હાલ ચાર મહિના થઈ ગયા તે મહિલા હજુ પણ આઈસીયુંમાં ગંભીર હાલતમાંજ છે. આ બનાવ સામે આવ્યો છે તુર્કીમાં જ્યા એક યુવકે તેનીજ મહિલા મિત્રના મોઢા પર રાતે જ્યારે તે સુઈ રહી હતી તે સમયે તેના પર એસિડ નાખી દીધું.
આરોપીને 20 વર્ષની સજા થવાની શક્યતા
મહિલા ઈસ્તાંબુલના એવસિલરની રહેવાસી છે. આરોપી પણ તેની કરતૂતને કારણે ઝડપાઈ ગયો અને તેને 20 વર્ષ સુધીની સજા થઈ શકે છે. કોર્ટમાં આરોપી દ્વારા એવી કબૂલાત આપવામાં આવી છે કે યુવતી સાથે સંબંધ રાખવા તૈયાર ન હતી જેથી તેણે આવેશમાં આવીને આ કામ કર્યું હતું.
4 મહિનાથી મહિલા ICUમાં સારવાર હેઠળ
આપને જણાવી દઈએ કે આ ઘટના 5 ઓક્ટોબર 2021ની છે. ઘટનાને 4 મહિના થઈ ગયા તેમ છતા મહિલાની તબિયત હજુ નાજુક છે અને તે આઈસીયુંમાં સારવાર હેઠળ છે. 42 વર્ષના આરોપીએ મહિલા પર ત્યારે એસિડ એટેક કર્યો જ્યારે તે સુઈ રહી હતી. મહિલાને ખબર ન પડે તે રીતે તેના ઘરમાં ઘુસ્યો હતો અને તેના પર એસિડ નાખી દીધુ હતું.
ઘરનું બધું પાણી ખાલી કરી નાખ્યું
બંને વચ્ચે ઘણી સારી મિત્રતા હતી. પરંતુ હાલ મહિલા આઈસીયુમાં મોત સામે લડી રહી છે. આરોપીને મહિલા સાથે સંબંધ રાખવા હતા. પરંતુ મહિલા તેના માટે તૈયાર ન હતી. આપને જાણીને નવાઈ લાગશે કે આરોપીએ હુમલો કરતા પહેલા મહિલા ઘરમાંથી બધું પાણી પણ ખાલી કરી નાખ્યું હતું જેથી તેને મોઢું ધોવા પણ ન મળે.
13 થી 20 વર્ષની સજાની માગ
ઉલ્લેખનીય છે કે મહિલા જ્યારે સુઈ રહી હતી તે સમયે આરોપી દ્વારા આ ઘટનાને અંજામ આપવામાં આવ્યો છે. સમગ્ર મામલે મહિલાના વકીલ દ્વારા એવું કહેવામાં આવ્યું કે તેની હત્યા કરવાનો પ્રયાસ કરવામાં આવ્યો છે. જેથી તે ઈચ્છે કે યુવકને 13 થી 20 વર્ષ સુધીની સજા આપવામાં આવે.