વડોદરામાં સિટીબસની અડફેટે યુવતીનું ઘટના સ્થળે મોત થતાં સ્થાનિક લોકોમાં રોષની લાગણી ફેલાઈ ગઈ હતી.
વડોદરામાં સિટી બસ યુવતી માટે કાળ બની
બસની અડફેટે આવતાં યુવતીનું મૃત્યુ
મૃતક યુવતી હતી સુરતની રહેવાસી
MS યુનિવર્સિટીમાં કરતી હતી અભ્યાસ
વડોદરામાં સિટી બસનું બેફામ ડ્રાઈવિંગ કરાતું હોવાનો વધુ એક કિસ્સો સામે આવ્યો છે. જેમાં સિટી બસના ચાલકે યુનિવર્સિટીમાં અભ્યાસ કરતી એક યવુતીને અડફેટે લેતાં તેનું મોત નીપજ્યું હતું.
યુવતી બસ સ્ટેશનમાં પ્રવેશી રહી હતી ત્યારે થયો અકસ્માત
આ બનાવની વિગત એવી છે કે, વડોદરાની એમ એસ યુનિવર્સિટીમાં અભ્યાસ કરતી એક વિદ્યાર્થીની બસ સ્ટેશનમાં પ્રવેશી રહી હતી. તે દરમિયા બસ સ્ટેશન પાસેથી પસાર થઈ રહેલી એક બેફામ સિટીબસના ડ્રાઈવરે ગફલત ભરી રીતે યુવતીને અડફેટે લેતાં યુવતીનું ઘટના સ્થળ પર કમકમાટી ભર્યું મોત નીપજ્યું હતું.જેને લઈને સ્થાનિકોમાં ભારે રોષ જોવા મળી રહ્યો છે. જો કે આ સમગ્ર ઘટના બસ સ્ટેશન પાસે લગાવેલા સીસીટીવીમાં કેદ થઈ ગઈ હતી.
બેફામ સિટી બસ ચાલકની પોલીસે કરી ધરપકડ
CCTV ફૂટેજ જોતા અકસ્માતમાં મોતને ભેટેલી યુવતી મોબાઇલ ફોન ઉપર વાત કરતા-કરતા રોડ ક્રોસ કરી રહી હતી. તે દરમિયાન વડોદરા સિટી બસના ડ્રાઈવર જયેશ પરમારના બેફામ ડ્રાઈવિંગને યુવતી બસ નીચે આવી જતાં ઘટના સ્થળ પર મોત નીપજ્યું હતું. આ ઘટના બાદ પોલીસે સિટી બસના ડ્રાઈવરને ઝડપી પાડ્યા છે.
અકસ્માતન પગલે લોકોના ટોળા ઉમટ્યા
બસ સ્ટેશન પાસે આ ઘટના બનતા જ લોકોના ટોળા વળી ગયા હતા. આ બનાવને નરી આંખે જોનાર લોકો પણ સ્તબ્ધ થઇ ગયા હતા. દરમિયાન આ બનાવની જાણ પોલીસને થતાં તુરંત જ પોલીસ સ્થળ પર આવી પહોંચી હતી અને મરનાર યુવતી અંગે વધુ તપાસ હાથ ધરી હતી.