જુનાગઢનો રમેશ ઓડેદરા સોશિયલ મીડિયા જેવા કે ઇન્સ્ટાગ્રામ,ફેસબુક ,સ્નેપ ચેટ,શેર ચેટ ઉપર પોતાના એકાઉન્ટ બનાવી મહિલાઓ સાથે મિત્રતા કેળવી મોહ-માયામાં ફસાવતો.
સોશિયલ મીડિયા યુઝર્સ આ જાણવું જરૂરી છે
વલસાડની મહિલા સાથે 'સ્નેપ ચેટ' બ્લેક મેલિંગ
સાયબર ક્રાઈમમાં ફરિયાદ બાદ ઝડપાયો આરોપી
સોશિયલ મીડિયાનો ક્રેઝ જેમ જેમ વધી રહ્યો છે.તેમ તેમ સાઈબર ક્રાઈમના કેસોમાં પણ ઉછાળો આવી રહ્યો છે. સોશિયલ મીડિયાના માધ્યમથી કેટલાક તક સાધુઓ પોતાના ગજવા ગરમ કરતા હોવાના અનેક કિસ્સાઓ પ્રકાશમાં આવી ચુક્યા છે.તો આ વખતે વલસાડની એક પરણિત મહિલાને સ્નેપચેટ માધ્યમથી એક શખ્સ બ્લેક મેલ કરતો હોવાનો મામલો સામે આવ્યો છે.જોકે વલસાડ પોલીસે આ ઠગને ગણતરીના સમયમા જ ઝબ્બે કરી જેલના સળિયા પાછળ કરવામાં આવ્યો છે.
નાણાની કરી માંગણી
સોશિયલ મીડિયા ને કેટલીક જાણીતી એપ કે જે ખરેખર ઉપયોગમાં પણ આવે છે.આ એપના માધ્યમથી કોઈ પોતાનો વ્યવસાય વિકસાવે છે તો કોઈ પોતાનું બ્રાન્ડીંગ કરવા એપનો સહારો લેતા હોય છે.તેમાં પણ ખાસ કરીને રાજનીતિમાં કેટલીક જાણીતી એપ્લીકેશન એ પોતાનું જબરજસ્ત સ્થાન ઉભું કર્યું છે.પરંતુ સોશિયલ મીડિયા જેટલું કામનું છે એટલુજ ખતરનાક પણ બની શકે છે.અને તમે નાણાકીય નુકસાનથી માંડીને બ્લેક મેલના શિકાર પણ બની શકો છે.આવોજ એક કિસ્સો વલસાડમાં સામે આવ્યો છે, વલસાડની એક પરણિત મહિલા ને સ્નેપ ચેટ ઉપર એક ઠગ ભટકાયો હતો.આ ઠગ એ મહિલા સાથે મિત્રતા કેળવી તેના સાથે વિડીયો કોલ પર વાત કરી તેના અશ્લીલ વિડીયો મેળવ્યા હતા. જે બાદ બ્લેક મેલનો સિલસિલો શરુ થયો હતો.આ ઠગ એ પરણિત મહિલાનો વિડીયો વાયરલ કરવાની ધમકી આપી હતી અને પૈસાની માંગણી કરી હતી. જોકે યુવતીએ હિમ્મત દાખવી સાયબર ક્રાઈમ પોલીસનો સહારો લીધો હતો.જેથી પોલીસે તાત્કાલિક આધુનિક ટેકનોલોજીથી ઠગનું આઈ.પી ટ્રેસ કર્યું હતું અને તેને ઝબ્બે કરી લીધો છે.
આરોપી જુનાગઢનો
પોલીસ ગિરફ્ત આવેલા આરોપીનું નામ રમેશ ઓડેદરા આરોપી મૂળ જુનાગઢ જિલ્લાનો રહેવાસી છે. જે જૂનાગઢ ખાતે આવેલી એક હોટલ માં કામ કરે છે .આરોપી રમેશ ઓડેદરા દ્રારા અલગ અલગ સોસીયલ મીડિયા જેવા કે ઇન્સ્ટાગ્રામ,ફેસબુક ,સ્નેપ ચેટ , શેર ચેટ ઉપર પોતાના એકાઉન્ટ બનાવી મહિલાઓ સાથે મિત્રતા કરી મહિલાઓને મનગમતી વાતો કરી તે ઓને પોતાના મોહમાયા માં ફસાવી લેતો હતો .. મહિલાઓના સાથે વિડ્યો કોલ પર વાત કરી મહિલાઓના અશ્લીલ વિડ્યો બનાવી મહિલાના ભોળપણનો લાભ લેતો હતો. અને ત્યાર બાદ શરુ કરતો બ્લેકમેલિંગનો કારોબાર. વિડીયો વાઈરલ કરવાની ધમકી આપી બ્લેકમેલ કરતો હતો. વલસાડની પરણિત મહિલા સાથે પણ મિત્ર કરી મહિલા ને બ્લેકમેલ કરતા મહિલા દ્રારા વલસાડ સાયબર ક્રાઈમ પોલીસ નો સંપર્ક કરતા પોલીસે આ ઠગ ભગત ને ગણતરીના કલાકમાં પકડી પાડી આગળ ની કાર્યવાહી હાથ ધરી છે..
ચેતવું જરૂરી
આરોપી રમેશ ઓડેદરા જેવા અનેક ભેજાબાજ ઠગો છે કે જેમણે સોશિયલ મીડિયા પૈસા કમાવવાનું માધ્યમ બનાવ્યું છે.જોકે હવે તંત્ર પણ આધુનિક ટેકનોલોજીનો ઉપયોગ કરીને આવા ઠગો સુધી પહોચી જાય છે.પહેલા મોટા ભાગે જુદા જુદા આઈ.પી એડ્રેસ થી કારસ્તાન કરીને આવા ઠગો પોતાનો મનસુબો પાર પાડી લેતા હતા.ત્યારે લોકોએ પણ સાવચેત રેહવાની જરૂર છે અને સોશિયલ મીડિયાના માધ્યમથી કોઈ પણ પ્રકારની લોભામણી ઓફર આવે તો તેને ઉંડાણ સુધી પારખ્યા બાદજ તેમાં આગળ વધવું જોઈએ કે જેથી તેમના પરસેવાના પૈસા કોઈ લેભાગુ હડપ ન કરી જાય.