સાચવજો / મોરબીમાં પાણીના ધસમસતા પ્રવાહ વચ્ચે યુવકે કોઝવે પાર કરવો ભારે પડ્યો ! અચાનક લપસ્યો પગ અને..

• મોરબીના વર્ષામેડી ગામે યુવક તણાતા બચ્યો
• કોઝ-વે પસાર કરવા સમયે યુવક તણાયો હતો
• સ્થાનિક તરવૈયાઓએ કર્યું યુવકનું રેસ્ક્યુ

હાલમાં રાજ્યમાં બરાબરનો વરસાદી માહોલ જામ્યો છે. નદીઓ ગાંડીતૂર બની છે. ડેમો ઓવરફ્લો થતા દરવાજા ખોલીને પાણી છોડવામાં આવી રહ્યું છે. તો બીજી તરફ નદીઓનું જળસ્તર વધતા કોઝવે તથા રોડ રસ્તા ધોવાયા હોવાની અનેક ઘટનાઓ સામે આવી રહી છે. કોઝવે ધોવાતા અનેક ગામો સંપર્ક વિહોણા બન્યા છે.  પરંતુ આવા ધસમસતા પાણીના પ્રવાહને પાર કરવાની હિંમત કરવી ખરેખર મૂર્ખામી ભર્યુ કામ ગણાય. ત્યારે આવો જ એક વીડિયો સામે આવ્યો છે જેમાં યુવક મોતના મુખમાંથી માંડ બચ્યો.

કોઝવે પાર કરવા જતા યુવક તણાયો 

મોરબીના વર્ષામેડી ગામે યુવક તણાતા તણાતા માંડ બચ્યો. યુવક કોઝવે પસાર કરવા ગયો પરંતુ પાણીનું વહેણ એટલુ હતું કે તે પોતાને સંભાળી ન શક્યો. તે પોતે પણ પાણીમાં તણાવા લાગ્યો. જો કે યુવકે પાણીમાં વીજપોલ પકડી લેતા તેનો જીવ બચી ગયો હતો. આ દ્રશ્યોમાં જોઇ શકાય છે કે નજર પહોંચે ત્યાં માત્રને માત્ર પાણી જ જોવા મળી રહ્યુ છે. કોણ જાણે શું જોઇને આ યુવકને કોઝવે દેખાયો અને તેણે કોઝવે પાર કરવાની હિંમત કરી.  વરસાદી માહોલમાં ક્યાંક તમારી આવી બેદરકારીને કારણે જીવ પણ ગુમાવવાનો વારો આવી શકે છે.  જો કે સ્થાનિક તરવૈયાઓની મદદથી આ યુવકને બચાલી લેવાયો હતો.