રાજકોટના જામવાડી GIDC ખાડીયા વિસ્તારમાં યુવકને માથાના ભાગે બોથડ પદાર્થ મારીને નિર્મમ હત્યા નિપજાવી દેવામાં આવી
રાજકોટના ગોંડલમાં યુવકની હત્યા
જામવાડી GIDC ખાડીયા વિસ્તારની ઘટના
માથાના ભાગે બોથડ પદાર્થ મારી હત્યા કરી
રોજકોટ ગોંડલમાં યુવકની કર્પીણ હત્યાની ઘટના સામે આવી છે અંગત અદાવતમાં યુવકને માથાના ભાગે બોથડ પદાર્થ મારીને તેની નિર્મમ હત્યા નિપજાવી દેવામાં આવી જેને લઈને સમગ્ર વિસ્તારમાં ચરચાર મચી ગયો છે, સમગ્ર ઘટનાની જાણ થતા પોલીસ કાફલો ઘટના સ્થળે દોડી આવ્યા હતા અને યુવકના મૃતદેહને પીએમ અર્થે ખસેડીને તપાસનો ધમધમાટ શરૂ કર્યો છે.
રાજકોટના ગોંડલમાં યુવકની હત્યા
ગોંડલના જામવાડી GIDCના ખાડિયા વિસ્તારમાં મનુભાઈ ઓડવીયા નામના યુવકને હત્યા કરી દેવાની સામે આવી હતી. જેને લઈ આપસાસના વિસ્તારમાં ભયનો માહોલ ફેલાઈ ગયો છે. જોકે હત્યા કોણે કરી, કેમ કરી તેને લઈને હજુ સુધી કોઈ જાણકારી મળી નથી પરતું પોલીસ દ્વારા જણાવાયું છે કે આ હત્યા અંગત અદાવતમાં કરવામાં આવી હોય તેવું લાગી રહ્યું છે.
માથાના ભાગે બોથડ પદાર્થ મારી હત્યા કરી
જો કે યુવકની હત્યા મામલે પોલીસે ઘટના સ્થળેથી પુરાવાઓ, યુવકનો મોબાઈલ એકત્ર કરીને તપાસ કાર્યવાહી હાથ ધરી છે. આ ઉપરાંત પોલીસે મૃતકને અન્ય કોઇ વ્યક્તિ સાથે જૂની માથાકૂટ છે કે કેમ તેની તપાસ શરૂ કરી છે. તેમજ મૃતકના મોબાઇલ પરથી હત્યાનો ભેદ ઉકેલવા પ્રયાસ શરૂ કર્યા છે.
મનુભાઈ ઓડવીયા નામના યુવકની હત્યા
મહત્વનું છે કે જે વિસ્તારમાં હત્યા થઈ છે ત્યાં દારૂનું ધૂમ વેચાણ થતું હોવાનું પણ મનાઈ રહ્યું છે,જો કે મરનાર યુવક પરિણીત હોવાનું પણ સામે આવ્યું છે અને તેને બે દીકરા છે અને પત્ની રીસામણે હોવાનું પોલીસ સુત્રો પાસેથી જાણકારી મળી છે.