સાચવજો / આણંદમાં બાઈક લઈને જઈ રહ્યો હતો યુવાન, અચાનક ખિસ્સામાં ફાટ્યો મોબાઈલ, ઉલળી પડતાં પહોંચી ઈજાઓ

• આણંદના આસોદરમાં ખિસ્સામાં રાખેલા મોબાઇલમાં થયો બ્લાસ્ટ 
• આસોદર ITI પાસે બાઇક ચાલકના ખિસ્સામાં મોબાઇલ બ્લાસ્ટ
• મોબાઇલની બેટરી ગરમ થતાં અચાનક થયો બ્લાસ્ટ

આણંદના આસોદરમાં ખિસ્સામાં રહેલ મોબાઈલ બ્લાસ્ટ થયાનો કિસ્સો પ્રકાશમાં આવ્યો છે. જેમાં એક યુવક બાઈક લઈને જઈ રહ્યો હતો. તે દરમ્યાન તેનાં ખીસ્સામાં રહેલ મોબાઈલ અચાનક બ્લાસ્ટ થયો હતો. અચાનક જ મોબાઈલ બ્લાસ્ટ થતા બાઈક ચાલકે બાઈક પરનો કાબુ ગુમાવ્યો હતો અને રસ્તા  પર પટકાયો હતો.

આણંદનાં આસોદરમાં યુવાનના ખિસ્સામાં રહેલા મોબાઈલમાં થયો બ્લાસ્ટ, સ્ટીયરિંગ પરનો કાબુ ગુમાવતાં બાઈક ચાલક જમીન પર પટકાયો#Anand #Bike #vtvgujarati pic.twitter.com/XjZQX5WAx8

— VTV Gujarati News and Beyond (@VtvGujarati) May 23, 2023

મોબાઇલ બ્લાસ્ટ થતાં બાઇક ચાલકે ગુમાવ્યો કાબુ
આણંદ જીલ્લાનાં આસોદરામાં મંગળવારનાં રોજ આઈટીઆઈ પાસેથી એક યુવક બાઈક લઈને પસાર થઈ રહ્યો હતો. તે દરમ્યાન અચાનક જ તેના ખિસ્સામાં રાખેલ મોબાઈલની બેટરી ગરમ થતા બ્લાસ્ટ થયો હતો. ખીસ્સામાં રહેલ મોબાઈલ બ્લાસ્ટ થતા બાઈક ચાલકે સ્ટીયરીંગ પરનો કાબુ ગુમાવ્યો હતો. સ્ટીયરીંગ પરથી કાબુ ગુમાવતા બાઈક ચાલક રસ્તા પર પટકાયો હતો. ત્યારે યુવકને ઈજાઓ પહોંચતા તાત્કાલિક સારવાર અર્થે હોસ્પિટલ ખસેડાયો હતો.