કપડવંજ / ગરીબ ઘરની યુવતી સુંદર તૈયાર થઇને જતી, અમીર પાડોશી યુવકને થઇ ઈર્ષા અને કર્યું એવું કે...

• રિસામણે રહેલી પત્નીની જરુર ન પડે એટલે યુવકે એક યુવતીને તાબે કરવા પ્રયાસ કર્યો
• આર્થિક રીતે નબળી યુવતીને પોતાના વશમાં કરવા તેને બદનામ કરી
• યુવતી શણગાર સજી નોકરી જતી હોઈ પડોશી યુવક તે દેહ વિક્રય કરતી હશે તેવું માની બેઠો

યુવતીને તૈયાર થવાનો શોખ હતો જેનાં કારણે તેની સાથે કંઈક આવું થયું...

કપડવંજ તાલુકાની વડોદરી ગામની 20 વર્ષીય સ્વરા ખૂબ સુંદર છે. પરિવારની આર્થિક પરિસ્થિતી નબળી હોવાથી તે ખેત મજૂરી કરવા જતી હતી. તેને તૈયાર થવું ખૂબ પસંદ  હોવાથી તે શણગાર કરીને ખેત મજૂરી કરવા માટે જતી હતી.  જેને જોઈને એક યુવકને હંમેશા ઈર્ષા થતી હતી. જેથી તે વારંવાર અલગ અલગ સીમ કાર્ડ ખરીદી સ્વરાને ફોન કરી ગંદી ગાળો બોલી હેરાન કરતો હતો. યુવક વારંવાર તેને ફોન  કરીને કહેતો કે તું ખોટુ બોલે છે તું  મજૂરી કામ કરવા જાય છે તું મજુરી નહી દેહ વિક્રયનું કામ કરવા જાય છે.

યુવક અવાજ અને સીમ કાર્ડ બદલી યુવતીને ફોન કરી હેરાન કરતો

યુવકની હિંમત એટલી વધી ગઈ કે તે આખા ગામમાં યુવતીની બદનામી કરતો હતો. યુવકની આ હેરાનગતિથી કંટાળીને ખેત મજૂરીનું કામ છોડી દીધું હતું. થોડાક દિવસ પછી તેને ટામેટા સ્ટોરેઝની ફેક્ટરીમાં કામ શરું કર્યું હતું. યુવકે એ પછી પણ તેને ફોન કરીને કહ્યું કે તારી ફેક્ટરીનો સુપરવાઈઝર મારો મામાનો દિકરો છે. તું મારી ગાળો નહી સાંભળે તો હું તને નોકરીમાંથી કઢાવી દઈશ. યુવન રોજ તેને એક અજાણ્યા સીમ કાર્ડનાં નંબર પરથી ફોન કરતો અને અવાજ બદલીને વાત કરતો હતો. એ બાદ તે સીમ કાર્ડ કાઢી નાંખતો હતો. આ તેનો નિત્યક્રમ બની ગયો હતો. 

યુવતીએ મહિલા હેલ્પલાઈનની મદદ માંગી

એક વાર એવું થયું કે આ યુવકે યુવતીને ફોન તો કરી દીધો પણ અવાજ બદલીને વાત કરવાનું ભૂલી ગયો હતો. જેના કારણે યુવતી અવાજ પરથી યુવકે ઓળખી લીધો હતો. યુવક તેનાં પડોશમાં રહેનારો રોહન હતો. જેને સબ શીખવવા માટે મહિલા હેલ્પલાઈન 181 અભયમ્'ની મદદ માંગતા હેલ્પલાઈનનાં કાઉન્સેલર રીટાબહેન તેની મદદે પહોંચ્યા હતાં. 

યુવકને થયું કે તે યુવતીને હેરાન કરશે તો તે હારીને તેની સાથે પ્રેમ સંબંધ બાંધશે

રીટાબહેને રોહનની પુછપરછ કરી તેને કડક શબ્દોમાં પુછપરછ કરતાં રોહને કબૂલ્યું હતું કે તે પરણિત છે તેનો પોતાનો તબેલો છે. જે મહિને લાખોની આવક ધરાવે છે, પણ તે આ આર્થિક રીતે નબળી સ્વરા અને તેની ફેમિલીની જેમ તૈયાર થઈને મજા નથી કરી શકતો. તેણે જણાવ્યું હતું કે આ લોકો સાવ ઓછી આવક ધરાવે છે તેમ છતાં મજાથી કેવી રીતે જીવી શકે? એ વાત મને ખટકતી હતી. બીજુ એ પણ હતું કે મારી પત્ની રિસાઈને જતી રહી હતી. સ્વરા બહું સુંદર છે અને તે તૈયાર થઈને નોકરી કરતી તો મને થયું કે તે દેહ વિક્રય કરતી હશે. મને એમ પણ થયું કે હું તેને ડરાવી ધમકાવીને પોતાની સાથે સંબંધ બાંધવા મજબૂર કરી લઉ તો પછી મારી પત્ની પાછી ન પણ આવે તો ચાલશે. જેથી મે આમ કર્યું હતું.

યુવકે લેખિતમાં બાંહેધરી આપી 

રાહુલની આ માનસિકતા જોઈને પીડિત સ્વરા અને કાઉન્સેલર રીટાબહેન હચમચી ગયાં હતાં. રીટા બહેને સ્વરાને યુવક સામે ફરિયાદ કરવાનું કહ્યું હતું જોકે સ્વરાએ રાહુલ વગદાર હતો અને તેની સામે કેસ કરવો સ્વરાને આર્થિક રીતે પરવડે તેમ ન હોવાથી તેણે કેસ કરવાનું ટાળ્યું હતું. અંતે  રાહુલે લેખિત બાંહેધરી આપી હતી કે તે સ્વરા કે અન્ય કોઈ પણ યુવતીને હેરાન નહી કરે.

(પાત્રોનાં નામ બદલેલ છે.)

સ્ટોરી : ધર્મિષ્ઠા પટેલ, અમદાવાદ