અમરેલીમાં એક યુવકે સિંહ નજીક જઈ અને ઉતારી લીધો હોવાનું સામે આવતા તંત્ર દ્વારા તપાસ શરૂ કરવામાં આવી છે.
અમરેલી : સિંહની નજીક જઈ યુવકે ઉતાર્યો વિડીયો
વનવિભાગ સામે ઉભા થયા સવાલો
તંત્ર દ્વારા શરૂ કરાઇ તપાસ
અમરેલી પંથક સાવજનું ઘર હોય તેમાં અનેક વખત અમરેલીમાં સિંહના વીડિયો સામે આવતા હોય છે. ત્યારે વધુ એક વીડિયો સામે આવ્યો છે. જેને લઈને વન વિભાગની કામગીરી અને સુરક્ષના દાવા સામે સવાલો ઊભા થયા છે. અમરેલીમાં એક યુવકે સિંહ નજીક જઈ અને ઉતારી લીધો હોવાનું સામે આવતા તંત્ર દ્વારા તપાસ શરૂ કરવામાં આવી છે.
અમરેલીમાં સિંહની નજીક જઈને યુવકે વીડિયો બનાવ્યો હતો. એક હાથમાં ટોર્ચ અને એક હાથમાં મોબાઈલ રાખી યુવકે વીડિયો બનાવી લીધા બાદ વાયરલ થતા સિંહોની સુરક્ષાના બણગા ફૂંકતા વનવિભાગ સામે લોકોમાં સવાલો ઉભા થયા હતા. સિંહની નજીક જઈને જોખમી રીતે યુવકે ઉતરેલો વીડિયો બહાર આવતા વિડીયો ક્યાં વિસ્તારનો છે તેને લઈ તંત્ર દ્વારા તપાસ શરૂ કરવામાં આવી છે.મહત્વનું છે કે આ અગાઉ પણ અમરેલીમાંથી અનેક વખત સિંહની પજવણીના વીડિયો સામે આવી ચૂક્યા છે. છતાં છાશવારે સામે આવતા આવા વીડિયોને અટકાવવા વનવિભાગનો પન્નો ટૂંકો પડતો હોય તેવું લાગી રહ્યું છે.