આત્મહત્યા / "મારા માતા પિતાનું નામ ખરાબ ન થાય તે માટે હું આપઘાત કરું છું" સુસાઈડ કરતા પહેલાનો અમદાવાદના યુવકનો વીડિયો વાયરલ

• અમદાવાદના યુવકે ગળેફાંસો ખાઈને કર્યું મોતને વ્હાલું 
• આપઘાત કરતા પહેલા બન્યો હતો એક વીડિયો 
• વીડિયોમાં યુવકે માફી માગવાનો કર્યો ઉલ્લેખ 

અમદાવાદમાં ફરી એક આપઘાતનો બનાવ સામે આવ્યો છે. જેમા ખોખરા વિસ્તારમાં રહેતા યુવકે આત્મહત્યા કરી છે. યુવકે આત્મહત્યા કરતા પહેલા સોશિયલ મીડિયા પર વીડિયો બનાવ્યો હતો. જે વીડિયો હાલ વાયરલ થયો છે. જેમા તેણે માનસિક દબાણમાં આવીને આત્મહત્યા કરી હોય તેવું લાગી રહ્યું છે. 

ગળે ફાંસો ખાઈને કર્યો આપઘાત 

ખોખરા વિસ્તારમાં હાટકેશ્વર સર્કલ પાસે રહેતા યુવક અજય ડીગોરીકરે ઘરમાં ગળે ફાંસો ખાઈને આપઘાત કર્યો હતો. આપઘાત કરતા પહેલા તેણે એક વીડિયો બનાવ્યો હતો. જેમા યુવક માફી માગવાનો સતત ઉલ્લેખ કરી રહી છે. 

અમદાવાદના ખોખરા વિસ્તારમાં એક આપઘાતનો બનાવ સામે આવ્યો છે. યુવકે આપઘાત શા માટે કર્યો તે કારણ હજું અકબંધ છે. જોકે આપઘાત કરતા પહેલા યુવકે સોશિયલ મીડિયા પર એક વીડિયો બનાવ્યો જે વાયરલ થઈ રહ્યો છે. #Ahmedabad #suicide pic.twitter.com/hUpkrwQv2w

— VTV Gujarati News and Beyond (@VtvGujarati) October 26, 2021

કોને માફી માગી તે રહસ્ય અકબંઘ 

યુવકે આપઘાત કરતા પહેલા એવો ઉલ્લેખ કર્યો છે કે તેના માતા પિતાની ઈજ્જત ન જાય તે કારણે હું આપઘાત કરી રહ્યો છું. જુવાન દિકરાના મોતને કારણે માતાપિતા આઘાતમા સરી પડ્યા છે. વીડિયોમાં યુવક કોની વાત કરી રહ્યો હતો. કોને માફી માગી રહ્યો હતો તે હજું સામે નથી આવ્યું આ મામલે માતા પિતા પણ તપાસ કરી રહ્યા છે.

યુવકે શા માટે આપઘાત કર્યો તે રહસ્ય પણ અકબંધ

યુવક હાટકેશ્વર સર્કલ પાસે ભાડાના ઘરમાં રહેતો હતો. છેલ્લા 9 વર્ષથી તે એક ગારમેન્ટ ફેક્ટરીમાં કામ કરતો હતો. પરંતુ છેલ્લા એક વર્ષથી તે નારોલમાં આવેલ ગારમેન્ટ કંપનીમાં નોકરી કરતો હતો. છેલ્લા ઘણા સમયથી તે તણાવામાં હતો . પરંતુ તેને લઈ વાતને લઈને ટેન્શન હતું તે હજું સામે નથી આવ્યું 

સમગ્ર મામલે પોલીસે આરંભી તપાસ 

ઉલ્લેખનીય છે કે યુવકના આપઘાતનું કારણ હજુ સુધી સ્પષ્ટ નથી થઈ શક્યું. પોલીસ પણ તપાસ કરી રહી છે કે યુવકના આપઘાત પાછળ પ્રેમ પ્રકરણ જવાબાદાર છે. કે પછી અંગત અદાવતમાં તેને માનસીક ત્રાસ આપવામાં આવતો હતો. સમગ્ર મામલે ઘણા રહસ્યો હજું અકબંધ છે. જે મુદ્દે પોલીસ તપાસ કરી રહી છે.