આણંદના વિદ્યાનગર રોડ પર કોમ્પલેક્સના ચોથા માળે ACનું કોમ્પ્રેસર ફીટ કરવા ચડેલો યુવક નીચે પટકાતા મોત
ચોથા માળેથી પટકાતા યુવકનું મૃત્યુ
ACનું કોમ્પ્રેસર ફીટ કરવા જતા દુર્ઘટના
યુવક ચોથા માળેથી નીચે પટકાયો
આણંદમાં ચોથા માળેથી પટકાતા યુવકનું મૃત્યુ થયું છે. આણંદના વિદ્યાનગર રોડ પર અર્થવ કોમ્પલેક્સમાં ACનું કોમ્પ્રેસર ફીટ કરવા યુવક ચોથા માળ પર ગયો હતો. ત્યારે છત પરથી પગ લપસતા યુવક નીચે પટકાયો હતો. જેમાં તેનું મૃત્યુ થયું છે. યુવક આંકલાવ તાલુકાના કંજોડા ગામનો રહેવાસી છે.
આણંદની આ દુર્ઘટના અંગે સમગ્ર શહેરમાં ચર્ચા ફેલાઈ હતી. ACના કામ માટે આવેલો યુવક એફીશ સર્વિસી નામની એજન્સીમાં ટેક્નિશયન તરીકે ફરજ બજાવતો હતો. માહિતી પ્રમાણે યુવકની ઉંમર 32 જાણવા મળી છે. એ.સી ફિટિંગ સમયે ગેસ પ્રેસરના કારણે યુવકે પોતાની જાત પરથી કાબૂ ગુમાવતા નીચે પટકાયો હતો. જે દરમિયાન ઘટનાસ્થળે જ યુવકનું મોત નિપજ્યું હતું.