આપઘાત / વલસાડના યુવકે ઘરમાં જ નાયલોનની દોરી વડે ગળેફાંસો ખાદ્યો, આપઘાત પહેલા સોશિયલ મીડિયામાં વીડિયો કર્યો પોસ્ટ

• વલસાડના ઉમરગામમાં યુવકનો આપઘાત 
• યુવકે વીડિયો બનાવી સોશિયલ મીડિયામાં મુક્યો  
• ઘરે જ નાયલોનની દોરી વડે ગળેફાંસો ખાદ્યો 

આજકાલ સોશિયલ મીડિયા વધુ પડતા ક્રેઝને કારણે લોકોની જીવનશૈલીમાં પરિવર્તન આવ્યું છે, જેના કારણે લોકો માનસિક તાણ અનુભવતા હોય છે અને પછી એવું કરી બેસે છે કે પાછળ આખા પરિવારને ભોગવવાનો વારો આવે છે. 

ઘરે જ નાયલોનની દોરી વડે ગળેફાંસો ખાદ્યો 

વલસાડના ઉમરગામના યુવકે આપઘાત કરી લેતા સમગ્ર પંથકમાં ચકચાર મચી ગોય છે. મહત્વનું છે કે યુવકે આપઘાત કરતા પહેલા એક વીડિયો બનાવી સોશિયલ મીડિયામાં મુક્યો હતો જેને લઈને સમગ્ર વિસ્તારમાં ભારે ચર્ચા જાગી છે. ઉમરગામના  સચિન સુરવે નામના યુવકને નજીકમાં જ રહેતી પરિણીતા સાથે પ્રેમ થતા તેને જાણ પરિવારમાં થઈ હતી અને બંને પરિવારો વચ્ચે લાંબા સમયથી વિવાદ ચાલી રહ્યો હતો

વીડિયોમાં યુવકે કેટલાક લોકો પર કર્યા આક્ષેપ

જો કે આજે અચાનક સચિને ઘરે જ નાયલોનની દોરી વડે ગાળેફાંસો ખાઈને આપઘાત કરી લીધો હતો. જો કે સચિને ગળેફાંસો ખાદ્યા પહેલા એક વીડિયો રેકોર્ડ કર્યો હતો અને તેને સોશિયલ મીડિયામાં ફરતો કરી દીધો હતો. આ વીડિયોમાં સચિન કેટલા લોકો પણ આક્ષેપ લગાવતો જોવા મળી રહ્યો છે. જે હાલ સોશિયલ મીડિયામાં વાયરલ થતા પોલીસે પણ જે લોકો પર આક્ષેપ કરાયો છે તેમને લઈને વધુ તપાસ હાથ ધરી છે. 

યુવકે વીડિયો બનાવી સોશિયલ મીડિયામાં મુક્યો  

બનાવની જાણ થતા જ પોલીસ ઘટના સ્થળે આવી પહોંચી હતી અને યુવકને મૃતદેહ પીએમ અર્થે ખસેડીને સમગ્ર મામલે વધુ તપાસ હાથ ધરી છે. વધુ પડતા સોશિયલ મીડિયાના ઉપયોગના કારણે આજકાલ આવા કિસ્સો સામે આવતા હોય છે, સોશિયલ મીડિયા થકી જ પ્રેમસંબંધ આગળ વધતા હોય છે, ત્યારે પરિવારજનો માટે લાલબત્તી સમાન આ કિસ્સામાંથી શીખ લેવી અનિવાર્ય બની રહે છે.