અકસ્માત / ઉપલેટા : ગાડીનું ટાયર ફાટતા અકસ્માતમાં યુવક-યુવતીનું મોત, બંનેના ટૂંક સમયમાં થવાના હતા લગ્ન

અકસ્માત સર્જાતા તહેવારનો માહોલ શોકમાં ફેરવાયો 

તમામ ઈજાગ્રસ્તોને સારવારઅર્થે નજીકની હોસ્પિટલમાં ખસેડાયા

કારનું ટાયર ફાટતાં ગોઝારો અકસ્માત સર્જાયો 
ઉપલેટા નેશનલ હાઈવે પર સોમવારે ગમખ્વાર અકસ્માત સર્જાયો હતો. આ અકસ્માતમાં ગાડીનું ટાયર ફાટતા સર્જાયો હતો. આ અકસ્માત એટલો ભયાનક હતો કે કારમાં સવાર  બે લોકોના ઘટના સ્થળે કરૂણ મોત થયું  હતું. જ્યારે બે લોકો ગંભીર રીતે ઘાયલ થયાં હતાં. અકસ્માતના પગલે ઘટના સ્થળે લોકોના ટોળે ટોળા ઉમટ્યાં હતાં. તાત્કાલિત 108 એમ્બ્યુલનસના જાણ કરીને તમામ ઈજાગ્રસ્તોને સારવારઅર્થે નજીકની હોસ્પિટલમાં ખસેડવામાં આવ્યા હતા. 

અકસ્માતમાં 2 લોકોના મોત થયું
આ ઘટના હાઈવે નજીક આવેલી એક હોટેલ પાસે ગાડીનું ટાયર ફાટતા બની હતી. જેમાં એક યુવક અને યુવતીનું મોત થયું હતું. સૌથી કરૂણ ઘટના એ હતી કે આ બંને યુવક યુવતીના ટૂંક સમયમાં લગ્ન થવાના હતા. લિખિતાબેન કમલેશભાઈ નિમાવત ઉ.વ. 20 નું ઘટનાસ્થળે જ કરુણ મોત નીપજ્યું હતું, જ્યારે તેમના ભાવિ પતિ અર્જુનભાઈ કૌશિકભાઇ નિરંજની ઉ.વ. 20 નું ઉપલેટા સરકારી હોસ્પિટલમાં સારવાર દરમિયાન મોત થયું હતુ. જ્યારે અન્ય મહેશ કમલેશભાઈ નિમાવત ઉ.વ. 14 અને યશ હિતેશભાઈ નિરંજની ઉ.વ. 18 સહતિ 3 થી 4 લોકોને ઇજા પામી હતી. આ ઘટનામાં ઘાયલ થયેલા લોકોને તાત્કાલિક ધોરણે હોસ્પિટલમાં ખસેડવામાં આવ્યા હતાં.