સુરતમાં ચાલુ ટ્રેનમાં ચડવા જતા યુવક અકસ્માતે ટ્રેન નીચે પટકાયો હતો. જેમાં તેનું મોત નીપજ્યું હોવાનું સામે આવ્યું છે.
સુરતના ઉધના રેલવે સ્ટેશન ખાતે દુર્ઘટના
ચાલુ ટ્રેનમાં ચડવા જતા પગ લપસી ગયો, યુવકનું મોત
ટ્રેન નીચે આવી જતા યુવકનું થયુ મોત
સુરતમાં આવેલ ઉધના રેલવે સ્ટેશન ખાતે દુર્ઘટના સામે આવી હતી. જે ચાલુ ટ્રેનમાં ચડવા જતા પેસેન્જરોની આંખ ઉઘાડનારો કિસ્સો છે. જેમાં ચાલુ ટ્રેનમાં ચડવા જતા પેસેન્જર યુવક જમીન પર પટકાયો હતો. આ દરમિયાન યુવાનનું કમકમાટીભર્યું મોત નીપજ્યું હોવાનું સામે આવ્યું છે. આ સમગ્ર ઘટનાના સીસીટીવી સામે આવ્યા છે.
— VTV Gujarati News and Beyond (@VtvGujarati) March 13, 2023
સુરતના ઉધના રેલવે સ્ટેશન પર બની ઘટના
સીસીટીવીમાં દ્રશ્યમાન થતી વિગત અનુસાર યુવક સંબંધીને ઉધના રેલવે સ્ટેશન છોડવા આવ્યો હતો. બાદમાં સંબંધીને ટ્રેનમાં જગ્યા કરવા ચાલુ ટ્રેનમાં ચડવાનો પ્રયાસ કર્યો હતો. આ વેળાએ ઉધના રેલવે સ્ટેશન પર આવતી ટ્રેનમા ચડતી વેળાએ પગ લપસી જતા યુવક નીચે પટકાયો હતો. જેનું ટ્રેન નીચે કપાઈ જતા કમકમાટીભર્યું મોત નીપજ્યું હતું. આ ઘટનાનો પગલે રેલવે પોલીસ અને સ્થાનિક પોલીસ કાફલો ઘટનાસ્થળે દોડી આવ્યો હતો. જ્યા યુવાનના મૃતદેહનો કબજો સંભાળી કાર્યવાહી આગળ ધપાવી છે.