જબરદસ્તી / પાકિસ્તાનમાં હિન્દુ યુવક પાસે એવું બોલાવડાવ્યું કે થયો ભારે વિવાદ, જાણો સમગ્ર મામલો

સોશિયલ મીડિયા પર હવે એક વીડિયો સામે આવ્યો છે, જેમાં એક પાકિસ્તાની વ્યક્તિ  હિંદુ છોકરાને ધમકી આપતો અને ‘અલ્લાહુ અકબર’ નો જાપ કરવા દબાણ કરતો જોવા મળ્યો હતો. પીડિતને હિંદુ દેવી-દેવતાઓ અંગે ખરાબ બોલવા માટે પણ મજબૂર કરવામાં આવ્યો હતો. 

હિંદુ દેવી-દેવતાઓ વિશે ખરાબ બોલવા મજબૂર કરાયો 

આ વીડિયો પ્રકાશ હીરાણી નામના ફેસબુક યુઝરે સોશિયલ મીડિયા પર અપલોડ કર્યો હતો. આરોપી અબ્દુલ સલામ અબુ દાઉદ પીડિતાને કોલરથી પકડીને અલ્લાહુ અકબરનો જાપ કરવાનો હુકમ કરતો જોવા મળ્યો હતો. જ્યારે છોકરાએ આ પાલન કર્યું, ત્યારે આરોપીએ તેને હિન્દુ દેવતાઓના સંદર્ભે ખરાબ બોલવા કહ્યું હતું. સાથે તે બોલ્યો હતો કે તમે લોકોએ આખું પાકિસ્તાન પ્રદૂષિત કર્યું છે. જો કે આ વિડીયો વાયરલ થયો હોવા છતાં તંત્ર દ્વારા તેની પુસ્તી કરવામાં આવી નથી. 

આરોપી એન્જીનીયર છે 
પાકિસ્તાનના રહીમ યાર ખાનના વતની અબ્દુલ સલામ અબુ દાઉદે તેની યુટ્યુબ ચેનલ પર "પાકિસ્તાનમાં મુસ્લિમ દ્વારા થયેલ હિંદુ ત્રાસ" કેપ્શન સાથે વીડિયો અપલોડ કર્યો હતો. જો કે ત્યાર બાદ વધતાં આક્રોશને પગલે, તે વિડિઓને ડિલીટ કરી દીધો હતો. આ આરોપી એન્જિનિયર હોવાની માહિતી મળી હતી.
આ વર્ષે એપ્રિલમાં પોસ્ટ કરાયેલા એક વીડિયોમાં તેણે ચેતવણી આપી જેમાં દાઉદ મારી નાખવાની વાતો કરતાં અને અને વિનાશની વાતો કરતો જોવા મળ્યો હતો. 

માનવાધિકાર સચિવ લાલચંદ મલ્હીએ ટ્વીટ કરી

વીડિયો વાયરલ થયા પછી આ મામલાની નોંધ લેતા પાકિસ્તાનમાં શાસક પક્ષ પીટીઆઈના હિન્દુ સાંસદ અને પાકિસ્તાનમાં સંસદીય માનવાધિકાર સચિવ લાલચંદ મલ્હીએ ટ્વીટ કરીને લખ્યું છે કે, થાર કોલસા બ્લોક -1 ના કર્મચારી દ્વારા તેમના ભગવાનને અપમાનજનક શબ્દો બોલવા બદલ થારપારકરમાં એક હિન્દુ બાળક સાથે જબરદસ્તી કરવાની ઘટના પરસ્પર સદ્ભાવ ઘટાડશે. અમે પોલીસને આરોપીની ધરપકડ કરવાના સૂચનો આપી દીધા છે. 

આ બાબતે, ઇમરાન ખાનની પાર્ટીના અન્ય એક હિન્દુ સાંસદ અને પાકિસ્તાન હિન્દુ કાઉન્સિલના પ્રમુખ રમેશ વાંકવાનીએ કહ્યું હતું કે , અમે વાયરલ થયેલા વીડિયો પર એક્શન લઈ લીધા છે અને સિંધનાં આઇજી સાથે વાત કરી છે જેમણે આરોપીની ધરપકડ પણ કરી લીધી છે.