હાલમાં શાહરૂખ ખાનના દિકરા આર્યનનો એક વીડિયો ઇન્ટરનેટ પર ખૂબ જ વાયરલ થઇ રહ્યો છે જેને જોઇને સ્પષ્ટ થાય છે કે શાહરૂખે પોતાના બાળકોને સારા સંસ્કાર આપ્યા છે.
શાહરૂખ ખાન પોતાની ચેરિટીના કામને કારણે સતત ચર્ચામાં રહે છે. શાહરૂખનું માનવું છે કે વિનમ્ર સ્વભાવ અને સારો વ્યકિત હોવો જરૂરી છે. શાહરૂખે ઘણી વખત ઇન્ટરવ્યૂમાં જણાવ્યુ છે કે ''તે પોતાના બાળકોને સ્ટાર્સ બનાવવાની જગ્યાએ એક્ટર્સ બનાવવાનું વધારે પસંદ કરે છે.'' આમ તો બોલિવુડના સ્ટાર કિડ્સ કોઇ પણ ફિલ્મી સ્ટાર્સ કરતા ઓછા નથી પછી તે ભીડમાં રહેલા ફેન્સની વાત હોય કે સોશ્યલ મીડિયામાં રહેલા ફેન્સની તેમનો સ્ટાર પાવર જરાય પણ જોવા મળતો નથી. એવું લાગી રહ્યુ છે કે સ્ટાર કિડ હોવા છતા એક સારો વ્યકિત હોવાના તમામ ગુણ શાહરૂખ-ગૌરીના દિકરા આર્યનમાં છે.
તાજેતરમાં જ શાહરૂખ ખાનનો દિકરો આર્યન પોતાના ફ્રેન્ડ્સની સાથે પાર્ટી કરીને રેસ્ટોરામાંથી બહાર નીકળી રહ્યો હતો જ્યાં તેની સાથે મલાઇકા અરોરા પણ હતી તેમને જોઇને જ ત્યાં ફેન્સની ભીડ જમાં થઇ ગઇ ત્યારે આ ભીડમાં જ એક બાળક કારની પાસે પહોંચ્યો અને તેના ખોળામાં એક નાનું બાળક હતુ આ બાળક આર્યન પાસે પૈસા માંગવા લાગ્યુ. વીડિયોમાં સ્પષ્ટ પણ જોઇ શકાય છે કે આર્યન આ બાળકને મદદ કરી રહ્યો છે. જેમાં આર્યન ભિખારીને પૈસા આપી રહ્યો છે.
જોકે સોશ્યલ મીડિયા પર કેટલાક લોકો આર્યનની વર્તણૂકના વખાણ કરી રહ્યા છો તો કેટલાક લોકો એવું કહી રહ્યા છે કે માત્ર મીડિયાને જોઇને જ આર્યને તે બાળકને મદદ કરી છે.
ઉલ્લેખનીય છે કે શાહરૂખ ખાનની દીકરી સુહાના ખાન ગ્લેમરસ વર્લ્ડમાં એન્ટ્રી થઈ ગઈ છે. સુહાનાના મોડલિંગમાં મોસ્ટ અવેઈટેડ ડેબ્યૂનો ફેન્સ લાંબા સમયથી રાહ જોઈ રહ્યા હતા. હાલમાં જ સુહાના વોગ મેગેજિનની કવર ગર્લ બની છે. આ ફોટોશૂટમાં સુહાના એકદમ નવા લૂકમાં જોવા મળી. હાલમાં ફેન્સ સુહાનાના બોલિવૂડમાં ડેબ્યૂ કરવાની રાહ જોઈ રહ્યા છે.