ઘણા લોકો માનસિક રોગથી પીડાતા હોય છે ત્યારે એક મહિલા ઓબ્જેક્ટોફિલિયા નામના રોગથી પીડિત છે, જેના કારણે તે એક ઢીંગલા સાથે પ્રેમ થઇ જાય છે અને તેના જોડે લગ્ન કરે છે.
એક અનોખો યુવતીનો વર કે જે બોલતો કે ચાલતો નથી
બીમારીથી પીડિત મહિલાએ કર્યા નિર્જીવ વસ્તુ સાથે લગ્ન
ઢીંગલાંને વીંટી પણ પહેરાવી હતી અને ફોટો સેશન પણ કર્યું
ઢીંગલા સાથે પ્રેમ
કહેવાય છે કે લગ્નની જોડીઓ ઉપરથી બને છે પરંતુ એક મહિલાએ એવી જોડી બનાવી છે તેને લઈને દુનિયાભરમાં ચર્ચા ચાલી રહી છે. આ મામલો બ્રાઝિલનો છે, જ્યાં 37 વર્ષીય મહિલા મેરિવોન રોકા મૌરેસે કાપડની ઢીંગલાં સાથે લગ્ન કર્યા હતા અને ત્યારબાદ તેને સંતાન હોવાનો દાવો કર્યો હતો. આ મહિલાએ આ ઢીંગલાંનું નામ માર્સેલો રાખ્યું છે. મહિલાએ આ ઢિંગલા સાથે પૂરી રીતિ-રિવાજથી લગ્ન કર્યા અને પછી હનીમૂન પર પણ ગઈ. નવાઈની વાત એ છે કે આ મહિલાની સામે કોઈ તેની ઢીંગલાંને રમકડું કહે તો તે ગુસ્સે થઈ જાય છે અને આવું કહેનાર વ્યક્તિને નફરત કરવા લાગે છે.
એકલતાથી કંટાળીને ઢીંગલા સાથે લગ્ન કર્યા
મેરિવોન રોકા મૌરેસ સિંગલ હતી અને તેનો કોઈ બોયફ્રેન્ડ નહોતો. આવી સ્થિતિમાં, એકલતા દૂર કરવા માટે, તેની માતા ઘરે એક ઢીંગલો લાવી. મૌરેસને આ ઢીંગલાં સાથે એટલો પ્રેમ થઈ ગયો કે તેણીએ તેની સાથે લગ્ન કર્યા. આ લગ્નમાં મહેમાનો પણ આવ્યા હતા અને ખાવા-પીવાની વસ્તુઓ પણ હતી. મૌરેસે બધાની સામે તેના ઢીંગલાંને વીંટી પણ પહેરાવી હતી અને ફોટો સેશન પણ થયું હતું.
ઓબ્જેક્ટોફિલિયા નામના રોગથી પીડિત છે મહિલા
હકીકતમાં મીડિયા રિપોર્ટ્સમાં આ વાત સામે આવી છે કે ઘણીવાર લોકો નિર્જીવ વસ્તુઓના પ્રેમમાં પડી જાય છે અને આવું એટલા માટે થાય છે કારણ કે તેમને ઓબ્જેક્ટોફિલિયા નામની બીમારી છે. આ બીમારીમાં આ બીમારીથી પીડિત વ્યક્તિ નિર્જીવ વસ્તુઓને પ્રેમ કરવા લાગે છે અને તેની સાથે રોમાન્સ કરવા લાગે છે. દુનિયામાં એવા ઘણા કિસ્સા સામે આવ્યા છે જેમાં લોકો નિર્જીવ વસ્તુઓના પ્રેમમાં જોવા મળ્યા છે.
આ પહેલા પણ આવા કિસ્સા સામે આવી ચૂક્યા છે
આ પહેલા અમેરિકામાં પણ આવો જ એક કિસ્સો સામે આવ્યો હતો. અહીં નથેલ નામના એક વ્યક્તિએ કહ્યું હતું કે તે તેની કાર સાથે સંબંધ ધરાવે છે. તેણે કહ્યું કે તેણે તેની કાર સાથે રિલેશનશિપમાં છે. આ ઉપરાંત આવો જ એક કિસ્સો જર્મનીમાં પણ જોવા મળ્યો હતો, જ્યાં મહિલાએ પ્લેન સાથે લગ્ન કર્યા હતા. તે રાત્રે આ વિમાન સાથે સુતી હતી.
સોલો લગ્નના કિસ્સા પણ સામે આવ્યા
આ ઉપરાંત ભારતમાં પણ આવો જ કેસ સામે આવ્યા છે. ગુજરાતના વડોદરામાં એક મહિલાએ પોતાની સાથે જ લગ્ન કરી લીધા હતા. સોલો વેડિંગનો આ ટ્રેન્ડ ઘણા દેશોમાં જોવા મળ્યો છે, જ્યાં લોકો પોતાના સાથે જ પોતે લગ્ન કરે છે.