વાયરલ વીડિયો / દાહોદમાં સરાજાહેર માનવતા શર્મસાર, મહિલાને ઢોર માર મારતો વીડિયો જોઈ તમારા રૂંવાડા ઊભા થઈ જશે...

• દાહોદના સાગડાપાડામાં માનવતા શર્મસાર
• મહિલા સામે અત્યાચારનો વીડિયો વાયરલ 
• વાયરલ વીડિયોને VTVનું સમર્થન નહીં 

શું માનવતા મરી પરવારી છે ? ખુલ્લે આમ મહિલા પર એક શખ્સ અત્યાચાર કરી રહ્યો છે અને બીજા મૂકપ્રેક્ષક બની બેઠા છે? દાહોદ જિલ્લાની આ ઘટના તમારા કંપાવી મૂકશે કારણ કે એક નિરાધાર મહિલા ઢોર માર ખાઈ રહી છે આજુ બાજૂ ઘણા લોકો જોઈ રહ્યા છે. પણ એ બેબસ બની મહિલા પર થઈ રહેલા અત્યાચારને જોઈ રહ્યા છે મહિલા આજીજી કરી રહી છે બચાવો બચાવો પણ ન તો કોઈ તેની વારે આવવા તૈયાર છે. ન તો કોઈ શખ્સને સમજાવવા તૈયાર છે. આ વાયરલ વિડીયો છે જેની પુષ્ટિ વીટીવી નથી કરતું પણ આ વાયરલ વીડિયોમાં એક શખ્સ એક બાદ એક લાકડીના ફટકા મહિલાના મારતો દેખાય છે. શખ્સે મહિલાને ત્યાં સુધી મારી જ્યાં સુધી તે  અધમૂઈ ન થઈ ગઈ.. આખરે કેમ અને શું ગુનામાં મહિલા પર ખુલ્લેઆમ આ રીતે અત્યાચાર થઈ રહ્યો છે સનકી શખ્સો  પર કાર્યવાહી કરવી જરૂરી બની છે. કડક સજા કરવી જરૂરી છે જેથી મહિલા પર હાથ ઉપાડવાની કોઈની હિમત ન થાય.

અંગત અદાવતમાં મહિલાને જાહેરમાં માર

દાહોદ જિલ્લામાં માનવતાને શર્મસાર કરતો વીડિયો વાયરલ થયો છે. ફતેપુરા તાલુકાના સાગડાપાડામાં મહિલાને જાહેરમાં માર મારવામાં આવી રહ્યો છે. પ્રાથમિક અનુમાન મુજબ અંગત અદાવતમાં મહિલાને અમુક શખ્સો ભર બજાર વચ્ચે ઢસડી ઢસડીને માર મારી રહ્યા છે. VTV વાયરલ વીડિયોને સમર્થન આપતું નથી પણ એ મહિલાનો અવાજ બની જરૂર ઊભું છે જે સરજાહેર માર ખાઈ રહી છે. VTV વાયરલ વીડિયોને સમર્થન આપતું નથી પણ એ આરોપીઓને કડકમાં કડક સજા થાય તેની માગણી કરી રહ્યું છે. બસ આ વીડિયો જોઈ એક જ વાતનું રટણ થઈ રહ્યું છે કે શું માનવતા ખેરખર મરી પરવારી છે.

પોલીસે ચાર આરોપીઓની કરી ધરપકડ

સોશિયલ મીડિયા પર વાયરલ થઈ રહેલો આ વીડિયો પોલીસની નજરમાં આવાતા જ દાહોદ પોલીસ અને ફતેપુરા તાલુકા પોલીસ સક્રિય થઈ ગઈ અને તપાસ બાદ દાહોદના સાગડાપાડા ગામે બનેલી શર્મશાર ઘટનામાં 4 શખ્સોની ધરપકડ કરી. આ ઘટના ધરપકડ પૂરતી સીમિત ન રહે તે જરૂરી છે કારણ કે અવાર નવાર એવા કિસ્સાઓ સામે આવાતા હોય છે જેમાં મહિલા પર ખુલ્લેઆમ અત્યાચાર થઈ રહ્યો છે. પણ પાછળથી ઢાંકપિછાડા કરી ઘટનાને દબાવી દેવામાં આવે છે. હાલ તો દરેક લોકો આરોપીઓને કડકમાં કડક સજા થાય તેની માંગણી કરી રહ્યા છે.