UKમાં ભારતનો દબદબો / ગુજરાતીનું રાજીનામું, હવે ગોવાનો દબદબો! UKમાં ભારતીય મૂળની મહિલા સંભાળી શકે છે ગૃહખાતું 

• બ્રિટનના નવા વડાપ્રધાન લિઝ ટ્રુસની ચૂંટણી બાદ રાજકીય ગરમાવો 
• ગૃહ સચિવ પદેથી પ્રીતિ પટેલે રાજીનામું આપતા હવે આ ભારતીય સંભાળશે પદ 
• ટ્રસ કેબિનેટમાં યુકેના ગૃહ સચિવ બની શકે છે ભારતીય મૂળના સુએલા બ્રેવરમેન

બ્રિટનના નવા વડાપ્રધાન લિઝ ટ્રુસની ચૂંટણી બાદ રાજકીય ગરમાવો આવી ગયો છે. આ તરફ બ્રિટનના ગૃહ સચિવ પદેથી પ્રીતિ પટેલે સોમવારે રાત્રે રાજીનામું આપી દીધું હતું. તો હવે UKમાં ભારતીય મૂળની મહિલા જ હોમ સેક્રેટરી તરીકેનો પદભાર સંભાળી શકે છે.  જેથી હવે સુએલા બ્રેવરમેન લિઝ ટ્રસ કેબિનેટમાં યુકેના ગૃહ સચિવ બની શકે છે

બ્રિટનના નવા વડાપ્રધાન લિઝ ટ્રુસની ચૂંટણી બાદ હવે નવા હોમ સેક્રેટરી તરીકે ફરી એકવાર મૂળ ભારતીય મહિલા જ પદભાર સંભાળી શકે છે. ભારતીય મૂળના યુકે એટર્ની જનરલ સુએલા બ્રેવરમેન લિઝ ટ્રસ કેબિનેટમાં યુકેના હોમ સેક્રેટરી બની શકે છે. તે આ પદ પર પ્રીતિ પટેલનું સ્થાન લેશે. 

કોણ છે સુએલા બ્રેવરમેન ? 

બ્રેવરમેન પ્રીતિ પટેલ અને સાજિદ જાવિદ પછી ત્રીજા લઘુમતી હોમ સેક્રેટરી હશે.સુએલા ફર્નાન્ડિસ બ્રેવરમેનના મૂળ ગોવા સાથે જોડાયેલા છે. એક અહેવાલ મુજબ બ્રેવરમેન ટ્રસ સામે નેતૃત્વની હરીફાઈમાં છે. વોક વિરોધી વલણ અને માનવાધિકાર પર યુરોપિયન કન્વેન્શનનો વિરોધ તેણીને એટર્ની જનરલથી ગૃહ પ્રધાન તરીકેની ઉન્નતિ તરફ દોરી શકે છે.

I'm delighted that Liz Truss has been elected the leader of the Conservative Party. I'm confident she will take the bold action needed to get all of us through these tough times, grow our economy, and unleash the potential of the UK

— Suella Braverman MP (@SuellaBraverman) September 5, 2022

તેમનું મુખ્ય કાર્ય ગેરકાયદેસર ઇમિગ્રન્ટ્સ દ્વારા ચેનલ ક્રોસિંગ પર કડક કાર્યવાહી કરવાનું અને ઇંગ્લેન્ડ પહોંચનારાઓને રવાન્ડામાં દેશનિકાલ કરવામાં આવે તે સુનિશ્ચિત કરવાનું રહેશે. જે વર્તમાન ગૃહ સચિવ પ્રીતિ પટેલ કરવામાં નિષ્ફળ ગયા છે. જુલાઈમાં તેમના નેતૃત્વ અભિયાન દરમ્યાન એટર્ની જનરલે જણાવ્યું હતું કે તે 'અસ્વીકાર્ય' છે કે, યુરોપીયન કોર્ટ ઓફ હ્યુમન રાઈટ્સ દ્વારા છેલ્લી ઘડીની દરમ્યાનગીરીએ રવાંડા દેશનિકાલ ફ્લાઇટના અગાઉના પ્રયાસને નિષ્ફળ બનાવ્યો હતો.