લગ્ન કોઈ પણ વ્યક્તિના જીવનનો સૌથી મોટો નિર્ણય હોય છે. તેથી લગ્ન કરતા પહેલાં લોકો ખૂબ વિચાર કરતા હોય છે. પરંતુ શું તમે કોઈ એવી મહિલા વિશે સાંભળ્યું છે, જેણે પોતાના વૃક્ષ સાથે લગ્ન કર્યા હોય. આ અનોખા લગ્ન 3 વર્ષ પહેલાં થયા હતા.
એક મહિલા વૃક્ષ સાથે લગ્ન કરીને થઈ દિવાની
37 વર્ષીય યુવતીએ સંબંધીઓની હાજરીમાં વૃક્ષ સાથે કર્યા હતા લગ્ન
યુવતી પોતાના પતિને મળવા અઠવાડિયામાં 5 વખત જાય છે
બ્રિટનની મહિલાએ વૃક્ષ સાથે કર્યા લગ્ન !
આ મહિલા દરેક તહેવાર પોતાના પતિ સાથે મનાવે છે. મહિલા મુજબ, તેનુ લગ્ન જીવન સારું ચાલી રહ્યું છે. મીડિયા રિપોર્ટસ મુજબ, આ મહિલાનું નામ કેટ કનિંઘમ છે અને તે બ્રિટનની રહેવાસી છે. આ મહિલાએ લગ્ન કરવા માટે કોઈ પુરૂષને નહીં, પરંતુ એક વૃક્ષને પસંદ કર્યુ છે. કેટ કનિંઘમ અત્યારે 37 વર્ષની છે અને આજથી 3 વર્ષ પહેલાં 2019માં તેણે ધૂમધામપૂર્વક દરેક સંબંધીઓ અને મિત્રોની સામે વૃક્ષ સાથે લગ્ન કર્યા હતા.
મહિલા દરેક તહેવારની ઉજવણી વૃક્ષ સાથે કરે છે
મહત્વનું છે કે લગ્ન બાદ કેટ કનિંઘમે પોતાની અટક પણ બદલી નાખી છે અને તે શ્રીમતી એલ્ડરના નામે ઓળખાય છે. કેટ પોતાના પતિ સાથે મળવા અઠવાડિયામાં 5 વખત જાય છે. આ સાથે પોતાના જીવનના સ્પેશિયલ પ્રસંગે પતિ સાથે ઉજવણી કરે છે. ક્રિસમસના તહેવાર પર તે વૃક્ષને સારી રીતે શણગારે છે અને તેની સાથે તહેવાર મનાવે છે. સૌથી ચોંકાવનારી વાત એ છે કે કેટનો એક બોયફ્રેન્ડ પણ છે. કેટ મુજબ, તેના બોયફ્રેન્ડને કેટ અને વૃક્ષના સંબંધથી કોઈ મુશ્કેલી નથી. ઘણી વખત કેટ પોતાના પતિને મળવા પોતાના બોયફ્રેન્ડ સાથે આવે છે. કેટ મુજબ, વૃક્ષ સાથે લગ્ન કર્યા બાદ તેના જીવનમાં ઘણો ફેરફાર આવ્યો છે અને તે પોતાના પતિને ખૂબ પ્રેમ કરે છે.