બ્રિટનમાં એક મહિલાનો કોરોનાનો ટેસ્ટ 10 વાર નેગેટિવ આવ્યો તેમ છતાં પણ તેનુ કોરોનાથી મોત થયું છે.
બ્રિટનમાં 55 વર્ષીય મહિલાનું કોરોનાથી મોત
10 વાર રિપોર્ટ આવ્યો નેગેટિવ
અંતે કોરોનાથી થયું મોત
હોસ્પિટલે પરિવારથી માહિતી છુપાવી રાખી
55 વર્ષીય ડેબ્રા હર્નિયાના ઓપરેશન માટે રોયલ સ્ટોક યુનિવર્સિટીની હોસ્પિટલમાં દાખલ હતી. તે સાજા થવાની અણી પર હતી પછી અચાનક તેને શ્વાસ લેવામાં તકલીફ થવા માંડી હતી અને છેવટે કોમામાં ચાલી ગઈ હતી. અને લગભગ બે અઠવાડિયા પછી તેનું મોત થયું હતું.
પોસ્ટમોર્ટમ અને બીજી તપાસમાં સામે આવ્યું કે કોરોનાથી તેનું મોત થયું
જોકે ડેબ્રાના પોસ્ટમોર્ટમ અને બીજી તપાસમાં સામે આવ્યું કે કોરોનાથી તેનું મોત થયું છે. આ સાંભળીને મહિલાને પરિવારને ખૂબ આઘાત લાગ્યો હતો. પરિવારજનોએ સવાલ ઉઠાવ્યો કે તેને કોરોના હતો તો પછી શા માટે તેને જનરલ વોર્ડમા રાખવામાં આવી.
લગભગ 10 વાર કોરોનાનો ટેસ્ટ નેગેટિવ આવ્યો
આ મહિલાના પુત્રે જણાવ્યું કે મારી માતાને જ્યારે શ્વાસ લેવામા તકલીફ થઈ ત્યારે તેમના દરરોજ કોરોના ટેસ્ટ કરાવતા રહ્યાં હતા અને લગભગ 10 વાર કોરોનાનો ટેસ્ટ નેગેટિવ આવ્યો હતો.મારી માતાના ફેફસાના પણ સેમ્પલ લેવાયા હહતા અને તેમાં પણ કોરોનાનું કોઈ પ્રમાણ જોવા મળ્યું નહોતું. પુત્રે કહ્યું કે મોત બાદ અમને જાણ કરાઈ કે મહિલાને કોરોના હતો અને તેને કારણે જ તેનું મોત થયું છે.
પુત્રે કહ્યું કે અમને પીપીઈ કીટ કે બીજા સુરક્ષાના સાધનો વગર મારી માતાને મળવા દેવાયું જેને કારણે અમારા આખા પરિવાર પર કોરોનાનો ખતરો પેદા થયો છે અને હોસ્પિટલને સામે કાયદેસરની કાર્યવાહી કરીશું.