12 વર્ષની ઉંમરમાં બેનેટને સૌપ્રથમ હોર્મોનલ ડિસઓર્ડર પોલિસિસ્ટિક ઓવરી સિન્ડ્રોમ હોવાનું સામે આવ્યું હતું એ પરિસ્થિતિમાં એ શરીર પર વધુ પડતા વાળના વિકાસ થવા લાગે છે
બેનેટને સૌપ્રથમ હોર્મોનલ ડિસઓર્ડર પોલિસિસ્ટિક ઓવરી સિન્ડ્રોમ હોવાનું સામે આવ્યું
શરીર પર વધુ પડતા વાળનો વિકાસ થવા લાગ્યો
એ મહિલા હવે પોતાની દાઢી શેવ નથી કરતી
તેની દાઢી અને મૂછના કારણે એક મહિલાને દશકો સુધી અઢળક ટોણાઓ અને લોકોની ઘણી વાતોનો સામનો કરવો પડ્યો હતો આપણ હવે એ મહિલાને તેની દાઢી અને મૂછ પ્રત્યે પ્રેમ થઈ ગયો છે અને તેને એમના શરીરના એ ફ્લોને સ્વીકારી લીધું છે. હવે એ મહિલા પોતાની દાઢી શેવ નથી કરતી અને એમ જ રહીને દુનિયા સામે કોન્ફિડન્સથી ફરે છે.
જણાવી દઈએ કે એ યુવતીનું નામ અનીસા બેનેટ છે અને તે કેનેડાના ન્યુફાઉન્ડલેન્ડની રહેવાસી છે. અનિયમિત પીરિયડ્સ પછી,12 વર્ષની ઉંમરમાં બેનેટને સૌપ્રથમ હોર્મોનલ ડિસઓર્ડર પોલિસિસ્ટિક ઓવરી સિન્ડ્રોમ હોવાનું સામે આવ્યું હતું અને એ જ સમયે તેનામાં હિરસુટિઝમ ડેવલપ થયું હતું અને એ પરિસ્થિતિમાં એ શરીર પર વધુ પડતા વાળના વિકાસ થવા લાગે છે અને અનીસા બેનેટ સાથે પણ એવું જ થયું હતું.
અનીસા બેનેટે કહ્યું હતું કે, ' પ્યુબર્ટીની શરૂઆતથી મારી મૂછો વધવા લાગી હતી અને આ કારણે સ્કૂલમાં દરેક લોકો મને વાંદરો અને બીજા ઘણા નામે ચીડવતા હતા. શાળાના સમયમાં મારી માતા મારી મૂછોને બ્લીચ કરતી હતી પણ વધતી જતી ઉંમર સાથે મૂછ અને દાઢી જાડી થવા લાગી હતી અને સાથે જ ચહેરા, હાથ, છાતી, પેટ અને પગ પર વાળ આવવા લાગ્યા હતા.'
બેનેટે આગળ જણાવ્યું હતું કે,' જેમ જેમ ઉંમર વધી એમ મારા પર સમાજનું દબાણ થવા લાગ્યું હતું અને મને એમ લાગતું હતું કે જો હું દાઢી નહીં કરું તો આ સમાજના લોકો મને સ્વીકારશે નહીં. પણ એ પછી મેં ટિકટોક પર #LadyBeards નામની દાઢી-મૂછો વાળી મહિલાને જોઈને હું ઇન્સ્પાયર થઈ ગઈ હતી.'
હવે બેનેટ તેની દાઢી મૂછોને શેવ નથી કરતી અને તેને કહ્યું હતું કે, 'હું શેવ કર્યા વિના પણ આત્મવિશ્વાસ અનુભવું છું અને હવે મને બીજા શું વિચારે છે એ વિશે મને ફરક પણ નથી પડતો.'