સોમવારે દિલ્હીમાં પડેલા વરસાદે તંત્રની પોલ ખોલી દીધી, પહેલા જ વરસાદમાં દ્વારકાના સેક્ટર 18માં રોડ ઉપર મસ્ત મોટો ભૂવો પડ્યો જેમાં એક કાર ખાબકી હતી
દિલ્હીમાં પહેલા જ વસસાદમાં પડ્યો મોટો ભૂવો
દ્વારકામાં સેક્ટર 18માં મોટો ભૂવો પડતા કાર ખાબકી
ક્રેનની મદદથી ભૂવામાં પડેલી કારને બહાર કઢાઈ
દેશમાં હાલ વરસાદની સિઝન ચાલી રહી છે ત્યારે દેશીની રાજધાની દિલ્હીના પહેલા વરસાદમાં હાલ બેહાલ થયા છે. સોમવારે દિલ્હીમાં પડેલા પહેલા વરસાદે તંત્રની પોલ ખોલી દીધી હતી. પહેલા જ વરસાદમાં. દ્વારકાના રોડ પર મસ્ત મોટો ભૂવો પડવાની ઘટના સામે આવી એટલું નહી આ ભૂવામાં આખેઆખી કાર ખાબકી ગઈ હતી જેનો વીડિયો સોશિયલ મીડિયામાં વાયરલ થયો છે.
દિલ્હીમાં પહેલા જ વસસાદમાં પડ્યો મોટો ભૂવો
દ્વારકામાં સતત વરસી રહેલા વરસાદને કારણે સેક્ટર 18માં અચાનક ભૂસ્ખલન થયું હતું જેમાં એક આખી કાર તેમાં ખાબકી ગઈ હતી જે બાદ ક્રેનની મદદથી કારને બહાર નીકાળવામાં આવી હતી. જોકે આ ઘટનામાં જોઈ જાનહાનીના સમાચાર મળ્યા નથી. મળેલી માહિતી અનુસાર આ કાર એક પોલીસ કર્મીની હોવાનુ સામે આવ્યું છે. પરતું હજુ સુધી પોલીસ તરફથી કોઈ પુષ્ટી કરવામાં આવી નથી.
દિલ્હીમાં સેલ્ફી લેતા યુવકે ગુમાવ્યો જીવ
જોકે આ પહેલા દિલ્હી પોલીસ પ્રહલાદપુર વિસ્તારમાં પુલની નીચે ભરાયેલા પાણીનો વીડિયો બનાવતા સમયે તેની મોત નિપજ્યું હતું તેની પુષ્ટી કરી છે. પોલીસે જણાવ્યું કે વ્યક્તિનું નામ રવિ ચૌટાલા છે અને તે જેતપુર વિસ્તારનો રહેવાસી છે સ્થાનિક લોકોની પુછપરછમાં સામે આવ્યું કે આ યુવક પાણીની વચ્ચે જઈને સેલ્ફી લઈ તેનો વીડિયો બનાવી રહ્યા હતો જે બાદ આઘટના સામે આવી હતી.