ત્રાસ / અમદાવાદના જાણીતા બિલ્ડરે પુત્રવધુને ઢોર માર માર્યાની ફરિયાદ નોંધાતા ખળભળાટ, દારૂના નશામાં છેડતીનો પણ આક્ષેપ

• અમદાવાદના જાણીતા બિલ્ડર પરિવારનો મામલો 
• પુત્રવધૂએ ડિવોર્સી પિતા અને સાસરિયાઓ સામે નોંધાવી ફરિયાદ
• અમદાવાદના વસ્ત્રાપુર પોલીસ મથકે નોંધાવી ફરિયાદ

પૈસાદાર લોકોની આજુબાજુ વિવાદ નામની માખીઓ બહુ ઊડતી હોય છે. આજની ઘટના પણ કંઈક આવી જ છે. અહીં પૈસાદાર પરિવારની કહાની પોલીસ સ્ટેશન સુધી પહોંચી છે. આ ઘટનામાં  પુત્રવધૂએ પરિવાર પર આક્ષેપ કર્યા છે અને પટેલ પરિવારમાં ચર્ચામાં આવ્યો છે. 

પટેલ પરિવાર સામે પોલીસ ફરિયાદ 

પોપ્યુલર બિલ્ડરના રમણ પટેલ સામે પુત્રવધુએ ગંભીર આક્ષેપો કર્યા છે. રમણ પટેલના પુત્ર મોનાંગ પટેલ અને પત્નિ મયુરિકાબેન સામે પણ માર પીટના આક્ષેપો કર્યા છે. ફરિયાદી ફિઝુ પટેલે પોતાના ડિવોર્સી પિતાને પણ સમગ્ર ષડયંત્રમાં ભાગીદાર હોવાનું કહ્યું છે. ઘટનાને લઇને આ મુદ્દો ટોક ઓફ ઘ ટાઉન બન્યો છે. 

બિલ્ડર લોબીમાં સૌથી ચર્ચિત મુદ્દો પોપ્યુલર બિલ્ડરના પરિવારની હરકતો 

પોપ્યુલર બિલ્ડરના રમણ પટેલનું આલિશાન ઘર અને ઘરની બહાર પડેલી પ્રથમ દ્રષ્ટિએ જ મનમાં ઘર કરી જાય એવી રોલ્સ રોય્સ કાર. આ બધા દ્રશ્યો જોઇને લાગે કે આ પરિવાર પર લક્ષ્મી મહેરબાન છે, પણ જે આક્ષેપો આ પરિવાર સામે થયા છે એ આ ચકાચોંધ કરતા ઘરની દિવાલો પાછળ રહેતા લોકોના દિલની કાળી કરતૂતો ઉજાગર કરનારી છે. પોપ્યુલર બિલ્ડરના રમણ પટેલના પુત્ર મોનાંગ પટેલની પત્ની ફિઝુ પટેલે વસ્ત્રાપુર પોલીસ સ્ટેશનમાં પરિવાર સામે અનેક આક્ષેપો સાથે ફરિયાદ નોંધાવી છે.  

ફરિયાદી ફિઝુ પટેલનો મામલો ઘણા દિવસોથી ચર્ચામાં છે પરંતુ કાયદાકીય રીતે સમગ્ર મામલો  ગઈકાલે વસ્ત્રાપુર પોલીસ સ્ટેશને પહોંચ્યો છે. પોપ્યુલર બિલ્ડરના પુત્રવધુ ફિઝુ પટેલ ગઈકાલે વસ્ત્રાપુર પોલીસ સ્ટેશને પહોંચ્યા હતા જ્યા કાયદેસર રીતે સસરા સહિતના પરિવાર સામે ફરિયાદ નોંધાવી હતી. 

શું છે હકીકત ફિજૂ પટેલના કહેવા પ્રમાણે? 

ફિઝુ પટેલ અને મોનાંગ પટેલના લગ્ન 9 વર્ષ પહેલા થયા હતા. ફિઝુ પટેલના કહેવા પ્રમાણે પોતાના ડિવોર્સી પિતાને પોપ્યુલર બિલ્ડરના પરિવાર સાથે સંબંધ હોવાથી તેના ડિવોર્સી પિતાના કહેવાથી જ લગ્ન થયા હતા.  પોલીસ સ્ટેશન ફરિયાદ નોંધાવવા પહોંચેલી ફિઝુ પટેલે જણાવ્યું હતું કે લગ્ન જીવનના 9 વર્ષમાં અનેક વાર માર પીટ કરવામાં આવી હતી. 

દહેજ માટે કરતી હતી માંગણી 

પુત્રવધૂન કહેવા પ્રમાણે દહેજ માટે પૈસાની પણ માગણી કરવામાં આવતી હતી. પતિ દ્વારા વર્ષોથી ટોર્ચર થઇ રહ્યું હતું  અને અનેકવાર મારપીટની ઘટના બની છે. બિલ્ડર પરિવારે ઘરમાં એન્ટ્રી આપવાનું પણ બંધ કરી દીધું હતું.  8 વર્ષની દિકરીને માતાથી ઝુંટવી લેવાની ધમકી અપાતી હતી, અંતે ફિઝુ પટેલની સહનશીલતાનો અંત આવ્યો અને ફિઝુ પટેલે પરિવાર વસ્ત્રાપુર પોલીસ સ્ટેશનમાં ફરિયાદ સામે નોંધાવી છે.
 
શું કહ્યું પોલીસ અધિકારીએ? 

હાઇપ્રોફાઇલ મામલો પોલીસ સ્ટેશન પહોંચ્યા બાદ વસ્ત્રાપુર પોલીસ સ્ટેશનના પીઆઇ વાય.બી જાડેજાએ સમગ્ર મામલાનો ચીતાર રજૂ કર્યો હતો. ફરિયાદ અનુસાર પીડિત મહિલાએ પતિ મોનાંગ પટેલ, સસરા રમણ પટેલ, સાસુ મયુરિકા બહેન અને ફરિયાદીએ તેના ડિવોર્સી પિતા મુકેશભાઈ સામે નામજોગ ફરિયાદ નોંધાવી છે. ફિઝુ પટેલે પોતાના ડિવોર્સી પિતા મુકેશભાઇ સામે પણ ફરિયાદ નોંધાવી છે. ડિવોર્સી પિતા અને પોપ્યુલર બિલ્ડર વચ્ચે આંતરિક સંબંધો છે. પતિ અને સાસુ-સસરા મેણા ટોણા સાથે માર મારી દહેજની માગ કરતા હતા. ફિઝુ પટેલ અને તેમની માતા લૂંટેરા હોવાના પણ ટોણા મારતા હતા.

ફરિયાદી મહિલાની ધીરજ ત્યારે ખૂટી કે જ્યારે 1 ઓગસ્ટના રોજ ફરિયાદી મહિલાને ઢોર માર મારવામાં આવ્યો અને મહિલાના નાકના ભાગે એવી તો ઇજા પહોંચાડી કે મહિલાને નાકમાં ફ્રેક્ચર થઈ ગયું.  

સસરા સામે દારૂના નશામાં છેડતી કર્યાના પણ આક્ષેપ કર્યા છે

પીડિતા ફિઝુ પટેલને માર મારી દહેજની માગ કરી સસરા રમણ પટેલની હવસ ન સંતોષાઇ હોય એ રીતે સસરા રમણ પટેલે અનેક વાર દારૂના નશામાં પીડિતાની છેડતી કર્યાનો પણ ગંભીર આરોપ ફરિયાદમાં લગાવવામાં આવ્યો છે  
 
હાલ તો સમગ્ર મામલો વસ્ત્રાપુર પોલીસ સ્ટેશને પીડિતા ફિઝુ પટેલના આક્ષેપો મુદ્દે IPC કલમ 323,325 અને 354-A મુજબની ફરિયાદ નોંધી છે અને સમગ્ર મામલે કાર્યવાહી હાથ ધરાશે. પોલીસે પોપ્યુલર બિલ્ડરના પરિવારની શોધખોળ શરૂ કરી છે