ઓહ માય ગોડ / હાથમાં, ગળામાં જ્યાં જુઓ ત્યાં સાપ! ભલભલાનાં હાંજા ગગડાવી દે, આખું ગામ ઝેરીલા સર્પ સાથે કાઢે છે મેળો

• નાગપંચમીને દિવસે આ જગ્યા પર ભરાય છે સાપનો મેળો 
• આ મેળો છેલ્લા 100 વર્ષથી ત્યાં યોજાય છે
• એક મહિના પહેલાથી જ આ મેળાની તૈયારી શરૂ થઈ જાય છે

આજે એટલે કે શ્રાવણ મહિનાના શુક્લ પક્ષની પાંચમને નાગ પંચમી તરીકે ઉજવવામાં આવે છે. શ્રાવણ માસ એટલે ભગવાન શિવની ઉપાસનાના દિવસો. આજે નાગપંચમી છે અને આજના દિવસે મહાદેવની સાથે સાથે નાગ દેવતાની પૂજા પણ કરવામાં આવે છે. આજે નાગપંચમીના દિવસે અમે તમને કઇંક એવું જણાવવા જઈ રહ્યા છીએ જે સાંભળી તમે અચંબિત થઈ જશો. ભારતમાં એક એવી જગ્યા આવેલી છે જ્યાં નાગપંચમીને દિવસે સાપનો મેળો ભરાય છે. 

समस्तीपुर में नाग पंचमी के मौके पर लोगों ने सांपों के साथ प्रदर्शन कर किया और नाग देवता की पूजा अर्चना की है। इस दौरान रोसड़ा में सर्पदंश से एक व्यक्ति की मौत हो गई है। pic.twitter.com/bPGzq0xrs7

— Kashish News Bihar (@KashishBihar) July 28, 2021

બિહારના સમસ્તીપુરમાં દર વર્ષે નાગપંચમીના દિવસે સાપનો મેળો ભરાય છે. તમે બિલકુલ સાચું વાંચ્યું છે સાપનો મેળો. સમસ્તીપુરના સિંઘિયા, નરહાન, ડુમરિયા, ખાડિયાહી, બેસરી, ચખાબીબ, મુસ્તફાપુર જેવા વિસ્તારોમાં આ મેળો ભરાય છે. જો કે નાગપંચમીના એક મહિના પહેલાથી જ આ મેળાની તૈયારી શરૂ થઈ જાય છે. ત્યાંનાં સ્થાનિક લોકો સાપને પકડી પકડીને પોતાના ઘરમાં રાખવા લાગે છે અને નાગપંચમીના દિવસે હજારોની સંખ્યામાં સાપ લઈને વહેલી સવારે તેઓ નદીના ઘાટ પર પંહોચે છે.

આ બધુ આયોજન 60 વર્ષના મહેન્દ્ર પાસવાન નામના વ્યક્તિ છેલ્લા 45 વર્ષથી વધુ સમયથી બેલા ભગવતીનામની એક સ્થાનનું કામ સંભાળી રહ્યા છે. સ્થાનિક લોકો એ વ્યક્તિને 'ભગત' તરીકે ઓળખે છે. મહેન્દ્ર પાસવાનને આ વારસો તેના પિતા અને દાદા પાસેથી મળ્યો હતો. એ કહે છે કે 'સાપને પકડવાની કોઈ ટેકનિક નથી, બસ તેની માટે હ્રદય અને હિંમતની જરૂર પડે. તમે નુકશાન નહીં પંહોચાડો તો એ પણ કઈ નહીં કરે.' 

समस्तीपुर में सिंघिया घाट पर सावन में नाग पंचमी का उत्सव. बड़ी संख्या में सांपों के साथ करतब दिखाया। यहां नदियों से सांपों को पकड़ने की परंपरा है. #BIHAR #SAMASTIPUR #SNAKE #NAGPANCHAMI pic.twitter.com/t1XsTiUehd

— Vishant Shrivastav (@VishantShri) July 19, 2022

નાગપંચમીના એક દિવસ પહેલા એ જગ્યા પર રાતભર જાગરણ થાય છે અને બધા લોકો તેને પકડેલ સાપને લઈને ભેગા થાય છે અને આખી રાત પૂજા કર્યા પછી ત્યાં સવારે નદી પર જવા માટે શોભાયાત્રા નીકળી છે. નદીમાં સ્નાન કરીને લોકો દૂધ લઈ આવે છે અને એ દૂધ સાપને પીવડાવે છે અને એ એ પછી સાપને જંગલમાં છોડી દે છે. આ મેળો છેલ્લા 100 વર્ષથી ત્યાં યોજાય છે. દૂર-દૂરથી લોકો આ મેળો જોવા આવે છે પણ આજ સુધી એવું ક્યારેય નથી થયું કે કોઈ સાપએ કોઈ વ્યક્તિને ડંખ માર્યો હોય.