સંસ્કારીનગરી વડોદરામાં ફ્લેટ નીચે ખુલ્લેઆમ નશાખોર ઇન્જેક્શન લઈ નશો કરતો હોવાનો વીડિયો સામે આવ્યો છે. જે ને કોઈ રોકનાર ન હોય તેવી સ્થિતી જન્મી છે.
વડોદરામાં બેફામ રીતે નશીલા ઇન્જેક્શનનો નશો
સમા-નિઝામપુરા રોડનો વીડિયો વાયરલ
એક ફ્લેટની નીચે નશાખોર લઈ રહ્યો છે હાથમાં ઇન્જેક્શન
વડોદરામાં બેફામ રીતે ઇન્જેક્શનનો મારફતે નશો કરવામાં આવતો હોવાની રાવ ઉઠી રહી છે તેવામાં સમા-નિઝામપુરા રોડનો વીડિયો સામે આવ્યો છે જેમાં એક ફ્લેટની નીચે નશાખોર હાથમાં ઇન્જેક્શન લઈ રહ્યો હોવાનું દ્રશ્યમાન થાય છે. ત્યારે યુવાધનને નશાના રવાડે ચડાવવાના આ કાવતરાને રોકવા પોલીસ તંત્ર પાંગળું પૂરવાર થઈ રહ્યું છે.
વડોદરામાં બેફામ રીતે નશીલા ઇન્જેક્શનનો નશો
સંસ્કારી નગરી ગણાતા વડોદરામાં નશાનું દુષણ દિવસેને દિવસે વકરી રહ્યું છે. તેવામાં ફરી એકવાર ડ્રગ એડિકટ તત્વો સક્રિય થયા હોવાનું સામે આવ્યું છે. 5 માસ અગાઉ જયાથી ડ્રગ્સના ઓવર ડોઝથી જે ડ્રગ એડિકટ વિવેક કરણનું મોત નીપજ્યું હતું તે વિસ્તાર સમા-નિઝામપુરા રોડનો વીડિયો વાયરલ થયો છે.જેમાં એક ફ્લેટની બેખોફ નશાખોર નશાનું ઇન્જેક્શન લઈ રહ્યો હતો. જેને લઈને પોલીસના અસ્તિત્વ અને કામગીરી સામે પણ લોકોમાં સવાલો ઉભા થયા છે.