વડોદરાના નંદેસરી વિસ્તારમાં પોલીસની દાદાગીરીનો એક વીડિયો સામે આવ્યો છે.જેમાં એક પોલીસ કર્મી નાના બાળકને દુકાનમાં ઘૂસીને ઢોર માર મારી ખાખીનો રોફ બતાવે છે
વડોદરાના નંદેસરીમાં પોલીસની દાદાગીરી
બાળકને દુકાનમાં ઘૂસી માર માર્યો
પોલીસકર્મીની હરકતોના CCTV આવ્યા સામે
વડોદરામાં પોલીસની દાદાગીરી
વડોદરામાં એક પોલીસ કર્મી દ્વારા બાળક પર ગુજારવામાં આવેલ અમાનુષી અત્યાચારની શરમજનક કરતૂત CCTV કેમેરામાં કેદ થઈ છે. ખાખી વર્ધિ ધારી આ પોલીસ કર્મી બાળકને થપ્પડ અને લાતોથી માર મારતો કેમેરામાં કેદ થયો છે. બાદમાં આસપાસ ઉભેલા લોકોની સમજાવટ બાદ પોલીસ કર્મી ત્યાંથી રવાના થાય છે.
માસૂમ બાળકને માર મારતા ગ્રામજનોમાં રોષ
આ ઘટના નંદેસરી પોલીસ મથકની હદમાં બની છે. બાળક પર અત્યાચાર ગુજારનાર પોલીસ કર્મી વડોદા શહેરના છાણી પોલીસ મથકમાં ફરજ બજાવે છે. આ દરમિયાન પોલીસ કર્મી છાણી પોલીસ મથકની કેટલીક જરૂરી કામ માટે PCR વેન માં નંદેસરી પોલીસ મથકે આવ્યા હતા ત્યારે આ ઘટના બની હતી.
પોલીસ કર્મીએ બાળકને દુકાનમાં ઘૂસી ઢોર માર માર્યો
મહત્વનું છે કે, PCR વેન જઈ રહી હતી ત્યારે અચાનક આ બાળક PCR વેન ની આગળ આવી જતા ઉશ્કેરાઈ ગયેલા પોલીસ કર્મીએ બાળકને દુકાનમાંથી પકડીને આ રીતે બેહરમીપૂર્વક માર મારતા બાળક ને હાથ ના ભાગે ઇજા પહોંચી છે
પોલીસ કર્મીની હરકતોના સીસીટીવી ફૂટેજ આવ્યા સામે
બીજી તરફ આ સમગ્ર ઘટના cctv કેમેરામાં કેદ થઈ ગઈ,બાળકના માતાની ફરિયાદને આધારે નંદેસરી પોલીસ મથકે પોલીસ કર્મી વિરુદ્ધ ગુનો દાખલ કરવામાં આવ્યો છે.