પંચમહાલ / રાજ્ય આરોગ્યમંત્રી નિમિષાબેને તો મેરુ પર્વત ડોલાવ્યો ! પોતાનાં મત વિસ્તારમાં બોલાવી ભજનની રમઝટ

• નિમિષા સુથારનો ભજન ગાતો વીડિયો થયો વાયરલ
• મોરવા હડફમાં યોજાયો હતો એક કાર્યક્રમ
• ગુરુપૂર્ણિમાના દિવસનો વીડિયો હોવાનું અનુમાન 

ભૂપેન્દ્ર પટેલની સરકારમાં રાજ્ય કક્ષાના આરોગ્યમંત્રી નિમિષા સુથારનો અનોખો અંદાજ જોવા મળ્યો.  પંચમહાલના મોરવા હડફ વિસ્તારનો આ વીડિયો છે જેમાં નિમિષાબેન ભજન ગાતા જોવા મળ્યા હતા. સંગીતના શોખીન એવા નિમિષાબેનનો આવો અંદાજ પહેલીવાર કદાચ પહેલીવાર જોવા મળ્યો. 

નિમિષાબેને ગાયુ ભજન..

બુધવારે 13 જુલાઇના રોજ ગુરુપૂર્ણિમાનો અવસર હતો તે દિવસે પોતાના મત વિસ્તારમાં એક ધાર્મિક કાર્યક્રમ રાખવામાં આવ્યો હતો. આ કાર્યક્રમમાં નિમિષાબેને ખાસ હાજરી આપી હતી. ધાર્મિક  કાર્યક્રમમાં અન્ય લોકોની સાથે સાથે તેઓ પણ ભજન ગાવામાં જોડાઇ ગયા હતા.આ વીડિયોમાં જોઇ શકાય છે તે નિમિષાબેન માઇક લઇને ગાઇ રહ્યા છે કે.. મેરુ તો ડગે પણ જેના મન નો ડગે રે પાનબાઈ. અન્ય શ્રોતાઓની જેમ તેઓ પણ આ કાર્યક્રમમાં આવ્યા હતા પરંતુ સંગીત પ્રત્યેના  પ્રેમે તેમને ભજન ગાવા  મજબૂર કરી દીધા. 

મોરવા હડફ બેઠક પરથી ધારાસભ્ય

મહત્વનું છે કે નિમિષાબેન સુથાર  પંચમહાલની મોરવા હડફ બેઠક પરથી ધારાસભ્ય છે.  મહત્વનું છે કે, મોરવા હડફના ધારાસભ્ય ભૂપેન્દ્ર ખાંટ ખોટા પ્રમાણપત્રને લઇ સસ્પેન્ડ કરવામાં આવ્યા હતા. ખોટા પ્રમાણપત્રનો મામલો સુપ્રીમકોર્ટ સુધી પહોંચ્યો હતો. જોકે બાદમાં ભૂપેન્દ્ર ખાંટનું નિધન થયું હતું. ભૂપેન્દ્ર ખાંટનું નિધન થતા બેઠક ખાલી જાહેર કરાઇ હતી. જે બાદ પેટાચૂંટણી યોજવામાં આવી હતી.