વડોદરા / VIDEO: 'દિલ દિયા હેં જાન ભી દેંગે...', વાઘોડિયાના MLA મધુ શ્રીવાસ્તવ દેશ ભક્તિના રંગમાં રંગાયા, ગાયું ગીત

• મધુ શ્રીવાસ્તવે ગાયુ દેશ ભક્તિ ગીત
• કાર્યકરો સાથે ગાયુ દેશ ભક્તિ ગીત
• હર ઘર તિરંગા અભિયાનને લઇને યોજાયો હતો કાર્યક્રમ

પોતાના વાણી-વર્તનને કારણે હંમેશા ચર્ચામાં રહેતા વડોદરા જિલ્લાના વાઘોડિયાના ધારાસભ્ય મધુ શ્રીવાસ્તવ હર ઘર તિરંગા અભિયાનને લઇને અલગ જ અંદાજમાં જોવા મળ્યા. વાઘોડિયા પ્રાથમિક શાળાની તિંરગા યાત્રામાં શાળાના બાળકો અને કાર્યકરો સાથે તિરંગો લહેરાવતા જોવા મળ્યા. આ પ્રસંગે તેઓએ દેશ ભક્તિ ગીત પણ ગાયુ જેનો વીડિયો સામે આવ્યો છે. પોતાના આગવા અંદાજમાં તેઓઓ દેશભક્તિ ગીત ગાયુ. દિલ દિયા હૈ જાન ભી દેંગે, એ વતન તેરે લિએ..મહત્વનું છે કે 13થી 15 ઑગષ્ટ સુધી હર ઘર તિરંગા, ઘર ઘર તિરંગા અભિયાનની રંગેચંગે પ્રારંભ થઇ ગયો છે. શાળાઓના વિદ્યાર્થીઓ સહિત ગામો અને શહેરોમાં તિરંગા યાત્રા યોજાઇ રહી છે. 

વડોદરામાં રાષ્ટ્રધ્વજ બનાવવા ટીમ લાગી કામે 

પ્રધાનમંત્રી મોદીએ આઝાદી કા અમૃત મહોત્સવ અંતર્ગત દેશમાં 13થી 15 ઓગસ્ટ સુધી હર ઘર તિરંગા અભિયાનનું આહ્વાન કર્યું છે. જેને કારણે રાષ્ટ્રધ્વજની માગમાં વધારો થયો છે. આ માગને પૂર્ણ કરવા ખાદીગ્રામોદ્યોગ ઓવરટાઈમમાં કામગીરી કરી રહ્યાં છે. આ અંતર્ગત વડોદરા જિલ્લા ખાદી ગ્રામોદ્યોગ સહકારી સંઘ ખાદીના ધ્વજની માગ પૂર્ણ કરવા માટે ઓવરટાઈમમાં કામગીરી કરી રહ્યું છે.

વડોદરાના વાઘોડીયાના ધારાસભ્ય મધુ શ્રીવાસ્તવ દેશ ભક્તિના રંગે રંગાયા. હર ઘર તિરંગા અભિયાન અંતર્ગત વાઘોડીયા પ્રાથમિક શાળાની તિરંગા યાત્રામાં ધારાસભ્યએ બાળકો અને કાર્યકરો સાથે દેશભક્તિ ગીત ગાયું.#HarGharTiranga #Madhushrivastav pic.twitter.com/xtQbNArEu0

— VTV Gujarati News and Beyond (@VtvGujarati) August 13, 2022

મધુ શ્રીવાસ્તવ જોવા મળ્યા હતા ડાન્સ કરતા

ધારાસભ્ય મધુ શ્રીવાસ્તવે આદિવાસી દિવસ નિમિત્તે ટીમલીના તાલે નૃત્ય કરી આનંદભેર ઉજવણી કરી હતી. આ અવસરે વાઘોડિયાની મુખ્ય બજારમાં તીરકામઠા સાથે મધુ શ્રીવાસ્તવે આદિવાસી નૃત્ય પણ કર્યું હતું. જેમાં મોટી સંખ્યામાં આદિવાસી સમાજના લોકો જોડાયા હતા. હાથમાં તીરકામઠું પકડી નૃત્ય કરતા ધારાસભ્ય મધુ શ્રીવાસ્તવનો વીડિયો સોશિયલ મીડિયા વાયરલ થયો હતો.