અફઘાનિસ્તાનમાં અફરતફરીનો માહોલ છે. લોકો દેશ છોડીને ભાગી જવા માટે કઈં પણ કરી છૂટે એવી સ્થિતિમાં છે ત્યારે મહિલાઓનો એક કંપાવી મૂકે એવો વિડીયો વાયરલ થયો હતો.
એરપોર્ટનો વાયરલ વિડીયો
મહિલાઓની એરપોર્ટમાં ઘૂસવા માટે અમેરિકન સૈનિકોને વિનવણી
પોતાના દેશને જ મહત્વ આપી રહ્યા છે
અફઘાનિસ્તાનમાં તાલિબાની શાસન લાગુ થયા બાદ અફરાતફરીનો માહોલ છે. લોકો ભયભીત છે. અફઘાનિસ્તાનના તાલિબાનો પોતે જ દાવો કરી રહ્યા છે કે ત્યાંની સામાન્ય જનતાને તેમના પર વિશ્વાસ નથી રહ્યો. આ જ કારણથી કદાચ લોકો પણ દેશ છોડીને બીજા દેશોમાં ભાગી જવા માગે છે.
કાબુલ એરપોર્ટ પર હજારોની સંખ્યામાં લોકો ફ્લાઇટની રાહ જોઈ રહ્યા છે ત્યારે એક એવો વિડીયો સામે આવ્યો છે જેમાં અમુક મહિલાઓ એરપોર્ટમાં ઘૂસવાનાં પ્રયત્નો કરી રહી છે અને અમેરિકન સૈનિકોને વિનવણી પણ કરી રહી છે. આઅ વિડીયો સામાન્ય માણસને કંપાવી મૂકે એવો વિડીયો છે. આખરે આ મહિલાઓ સફળ થઈ શકતી નથી.
At #kabulairport gates where the US forces controlling, people crying and begging US forces to allow them to pass the gates otherwise the Taliban will come and will behead them. pic.twitter.com/wzxXJf2ngL
કાબુલનાં હામીદ કરજઈ ઇન્ટરનેશનલ એરપોર્ટ પર અમેરિકી અને નાટો દેશોની સેનાઓ દ્વારા બેરીકેડ લગાવી દેવામાં આવ્યા હતા. આઅ તમામ માત્ર પોતાના દેશને જ મહત્વ આપી રહ્યા છે તેઓ પોતાના દેશના નાગરિકોને બહાર નિકળવામાં મદદ કરી રહ્યા છે આ પરિસ્થતિમાં અફઘાની મહિલાઓ એરપોર્ટમાં આવવા દેવા માટે તેઓને વિનંતી કરી રહી છે.
જોર જોરથી બૂમો પાડતી મહિલાઓ દ્વારા મદદ માટે આજીજી કરવામાં આવી રહી હોવા છતાં આખરે રોતી કકળતી છોડી દેવામાં આવે છે. તેઓ બૂમો પડે છે કે તાલિબાની આવી રહ્યા છે અમને બચાવી લો, પણ તેમ છતાં અમેરિકી સૈનિકો દરવાજો ખોલતા નથી.
કાબુલ એરપોર્ટ પર 50 હજાર અફઘાનિસ્તાની લોકો
કાબુલ એરપોર્ટ પર અંદાજે 50 હજાર અફઘાનિસ્તાની લોકો હાલમાં હાજર છે આ તમામ લોકો દેશ છોડીને જવા માંગે છે પરંતુ નાટો દેશો દ્વારા પોતાના દેશને પ્રાયોરિટી આપીને પોતાના નાગરિકોને જ પ્રથમ બહાર કાઢવામાં આવી રહ્યા હોવાથી તેઓ મહિલાઓની કોઈ મદદ કરી શકે એમ નથી. થોડા સમય અગાઉ તો આ ભીડને વિખેરવા માટે ફાયરિંગ કરવાની પણ જરૂર પડી હતી. બાદમાં મચી ગયેલી ભાગ દોડમાં 40 લોકોનો જીવ ગયો હતો.