વાયરલ / VIDEO: પબમાં આવ્યા પ્રધાનમંત્રી તો વૃદ્ધે ખૂલેઆમ કરી નાંખી ફજેતી, વીડિયો થયો વાયરલ 

• સ્કોટ મોરિસનને લોકોની નારાજગીનો સામનો કરવો પડ્યો હતો
• ઓસ્ટ્રેલિયાની જનતા અનેક મુદ્દાથી નારાજ છે
• સોશિયલ મીડિયા પર વીડિયો વાયરલ થઈ રહ્યો છે

ઓસ્ટ્રેલિયન વડાપ્રધાન સ્કોટ મોરિસનને એક વૃદ્ધ વ્યક્તિએ બધાની સામે ખૂબ ખરુ ખોટું સંભળાવ્યું અને તેઓ મૌન રહીને સાંભળી હતી. PM મોરિસને ગુસ્સે થયેલા વ્યક્તિને સમજાવવાનો પ્રયાસ કર્યો, પરંતુ તે સાંભળવા તૈયાર ન હતો. મીડિયાની હાજરીમાં બનેલી આ ઘટનાનો વીડિયો સોશિયલ મીડિયા પર વાયરલ થઈ રહ્યો છે.

@ScottMorrisonMP being confronted by an angry punter at the Edgeworth Tavern tonight #auspol @newcastleherald pic.twitter.com/dBGYCGQeAH

— Ethan Hamilton (@ethanjham) April 6, 2022

આ કારણથી વૃદ્ધ ગુસ્સામાં હતો

PM સ્કોટ મોરિસન બુધવારે રાત્રે અચાનક ન્યુકેસલના એક પબમાં પહોંચ્યા, જ્યાં તેઓ એક ગુસ્સે થયેલા વૃદ્ધ વ્યક્તિ સાથે મળ્યા. આ પેન્શનરે તેને વૃદ્ધ ઓસ્ટ્રેલિયનોની આર્થિક સ્થિતિ વિશે જણાવ્યું. પેન્શનરો માટે આવકના નિયંત્રણો અંગે માણસે ઓસ્ટ્રેલિયન PMને ઠપકો આપ્યો. આ દરમિયાન PM તેમને સમજાવવાની કોશિશ કરતા રહ્યા, પરંતુ તેમણે સાંભળ્યું નહીં. આ બધું મીડિયાની હાજરીમાં થયું.

પબની અંદર જવાની ના પાડી  

પેન્શનરે PM મોરિસનને કહ્યું, 'જ્યારે તમે છેલ્લી વખત ચૂંટાયા હતા ત્યારે તમે કહ્યું હતું કે અમે તે બધા લોકોને મદદ કરીશું જેમણે જીવનભર કામ કર્યું છે, ટેક્સ ચૂકવ્યો છે. મેં આખી જિંદગી કામ કર્યું છે અને ટેક્સ પણ ભર્યો છે. જ્યારે PM મોરિસને ગુસ્સે થયેલા માણસના ગુસ્સાને શાંત કરવા માટે તેને તેના સ્ટાફ સાથે વાત કરવાની ઓફર કરી, ત્યારે તે ગુસ્સે થઈ ગયો અને ત્યાંથી જવાની ના પાડી.

એક મહિલાએ પણ PM મોરિસનને સંભળવામાં કોઈ કસર ન છોડી 

એટલું જ નહીં, પબમાં હાજર એક મહિલાએ પણ PM મોરિસનને સાંભળવામાં કોઈ કસર છોડી ન હતી. PM  સાથે ફોટો પડાવતી વખતે તેમણે તેમને કહ્યું, 'સૌથી ખરાબ વડાપ્રધાન બનવા બદલ તમારો આભાર'. એક સ્થાનિક અહેવાલ અનુસાર મહિલાએ કહ્યું કે PM મોરિસને જવાબમાં તેનો આભાર માન્યો હતો. ઉલ્લેખનીય છે કે, ઓસ્ટ્રેલિયામાં મે મહિનામાં ચૂંટણીની જાહેરાત થવાની છે. આ ચૂંટણીમાં કોસ્ટ ઓફ લીવીંગ એ મુખ્ય મુદ્દો છે.