ખુલાસો / વ્યસન મુક્તિ કેન્દ્રમાં ક્રૂર વર્તન! યુવકને માર મારવાનો વીડિયો સોશિયલ મીડિયામાં વાયરલ

રાજ્યમાં અનેક જગ્યાએ વ્યસન મુક્તિ કેન્દ્ર શરૂ કરવામાં આવેલા છે. ત્યારે અનેક લોકો વ્યસન છોડવા માટે વ્યસન મુક્તિ કેન્દ્રમાં જાય છે. પરંતું ત્યાં તેઓને વ્યસન છોડવા માટે ટોર્ચર કરતો એક વીડિયો વાયરલ થયો છે. ત્યારે આ વીડિયો વાયુ વેગ સોશિયલ મીડીયામાં વાયરલ થતા લોકો ચોંકી ઉઠ્યા હતા.

સુરતનાં બારડોલી ખાતે આવેલ એક વ્યસન મુક્તિ કેન્દ્રમાં ઘણા યુવાનો વ્યસન છોડવા માટે ત્યાં જાય છે. પરંતું વ્યસન મુક્તિ કેન્દ્રમાં સારવાર અર્થે આવેલા યુવકને સંચાલકો દ્વારા ઢોર માર મારવામાં આવતો હોવાનો વીડિયો વાયરલ થયો હતો. જેને લઈ અનેક ચર્ચાઓએ જોર પકડ્યું છે. આ વીડિયો નાંદીડા ચાર રસ્તા વિસ્તારમાં આવેલ વ્યસન મુક્તિ કેન્દ્રનો હોવાનું સામે આવ્યું છે.

વીડિયો સોશિયલ મીડીયામાં વાયરલ થયો

વીડિયોમાં સ્પષ્ટ જોઈ શકાય છે કે વ્યસન મુક્તિ માટે આવેલા બે યુવકોને વ્યસન મુક્તિ સંચાલકો દ્વારા ઢોર માર મારવામાં આવ્યો હતો. ત્યારે આ વીડિયો સોશિયલ મીડિયામાં વાયરલ થયો હતો. ત્યારે વીડિયો વાયરલ થયા બાદ આ વ્યસન કેન્દ્રનાં સંચાલકો સામે કાર્યવાહી થાય છે કે નહી તે જોવું રહ્યું.

વધુ વાંચોઃ ક્ષત્રિય સમાજનું શક્તિ પ્રદર્શન, ભાવનગરના પૂર્વ રાજવી વિજયરાજસિંહ ગોહિલની અધ્યક્ષતામાં સંમેલન

અમારી સંસ્થાને બદનામ કરવાનો પ્રયાસ થઈ રહ્યો છેઃ સંચાલક

આ બાબતે વ્યસન મુક્તિ કેન્દ્રનાં સંચાલકે જણાવ્યું હતું કે, વ્યસન મુક્તિ કેન્દ્રનાં સંચાલક સાથે આ સમગ્ર ઘટના બાબતે વાત કરતા તેઓએ જણાવ્યું હતું કે, આ વીડિયો બે વર્ષ જૂનો છે તેમજ અમારા કાઉન્સિલરોને યુવકનાં પરિવારજનો દ્વારા જે સજા કરવી હોય તે કરો પણ વ્યસન છોડાવવા કહ્યું હતું. ત્યારે અમારા સીસીટીવી ફૂટેજ ચોરાઈ જતા તેને વાયરલ કરી સંસ્થાને બદનામ કરવામાં આવી રહી છે.તેમજ ભોગ બનનાર કર્મચારી હાલ સંસ્થામાં જ નોકરી કરતા હોવાનું જાણવા મળી રહ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ