ગુજ'રાજ' 2022 / ભાજપનો અનોખો કાર્યકર્તા, નડિયાદ ઉમેદવારે અપનાવ્યો નવો નુસખો આકર્ષણનું કેન્દ્ર

• ઉમેદવારી પત્રો ભરાઈ ગયા બાદ ઉમેદવારો લાગ્યા ચૂંટણી પ્રચારમાં
• નડિયાદના ઉમેદવારે મતદારોને આકર્ષવા અપનાવ્યો ડિઝીટલ પ્રચારનો રસ્તો
• મતદારો પણ હાઈટેક રોબોટને જોઈને આશ્ચર્યચકિત થઈ ગયા 

ગુજરાત વિધાનસભા 2022 ની ચૂંટણીનાં ઉમેદવારી પત્ર ભરાઈ ચૂક્યા છે. ત્યારે હવે ઉમેદવારો પ્રચાર-પ્રસારમાં લાગી ગયા છે. ત્યારે ઉમેદવારો મતદારોને આકર્ષવા માટે અવનવી રીતે ચૂંટણી પ્રચાર કરી રહ્યા છે. વડાપ્રધાન નરેન્દ્ર મોદીનું ડિઝીટલ ઈન્ડિયાનું સ્વપ્ન સાકાર થઈ રહ્યું છે. ખેડા જીલ્લાની નડિયાદ વિધાનસભા બેઠકના ભાજપના ઉમેદવાર પંકજભાઈ દેસાઈએ ચૂંટણી પ્રચારમાં મતદારોને આકર્ષવા માટે ડિઝીટલ રોબોટની ટેકનિક અપનાવી છે. ત્યારે મતદારો પણ આ રોબોટને જોઈને આશ્ચર્યચકિત થઈ ગયા છે.

નડીયાદ ભાજપ દ્વારા હાઈટેક પ્રચાર
આ ડિઝીટલ રોબોટ બાબતે ભાજપના ઉમેદવાર પંકજ દેસાઈએ જણાવ્યું હતું કે મધ્યઝોનનાં આઈટી સેલના પ્રમુખ દ્વારા આ હાઈટેક રોબોટ લાવવામાં આવ્યો છે અને વડાપ્રધાન નરેન્દ્ર મોદીના હાઈટેક પ્રચારનું જે સ્વપ્ન છે. જેને  સાકાર કરવા માટે રોબોટ લાવવામાં આવ્યો છે. આ રોબોટમાં સાઉન્ડ સીસ્ટમ પણ નાંખવામાં આવેલ છે તેમજ આ રોબોટ ફરીને લોકોને ભાપજનું પેમ્ફલેટ આપશે. મધ્ય ઝોનના આઈટી ઈન્ચાર્જ હર્ષિલ પટેલ દ્વારા જણાવ્યું હતું કે  2014 માં તેઓ વડાપ્રધાન બન્યા ત્યારે તેમણે ડીઝીટલ માધ્યમ પર વધુ ભાર આપ્યો છે. ત્યારે અમારી ટીમમાં કારોબારી સભ્ચ તરીકે ધ્રુવ પંડીત જોડાયા છે. ત્યારે પ્રચારમાં ફરતા રોબોટમાં અમે સાઉન્ડ સીસ્ટમ લગાડેલ છે. જેના માધ્યમથી અમે લોકો સુધી ભાજપ દ્વારા કરેલ કામો પહોંચાડીને મતદારોને રીઝવવાનો પ્રયાસ કરશું.