અરેરાટી / વડોદરામાં ધો.12માં ભણતા જોડિયા ભાઈઓનો આપઘાત, એકનું મોત, બે દિવસ બાદ હતી પરીક્ષા

• જોડિયા ભાઈઓએ કર્યો આપઘાતનો પ્રયાસ
• એકનું મૃત્યુ, એકની હાલત ગંભીર
• વડોદરાના ન્યુ અલકાપુરી વિસ્તારની ઘટના

સંસ્કારી નગરી વડોદરાના ન્યુ અલકાપુરી વિસ્તારમાં આવેલ શાંતનું એપાર્ટમેન્ટમાં રહેલા બે જોડિયા ભાઈઓએ અગમ્ય કારણોસર સોમવારે મોડી સાંજે આપઘાત કરી લેતા એકનું મૃત્યુ થયું હતું જ્યારે બીજા ભાઈની હાલત ગંભીર હોવાનું જાણવા મળી રહ્યું છે. 

સ્ટડી રૂમમાં પંખા સાથે લટકાઈને કર્યો આપઘાત
 
નોંધનીય છે કે, બંન્ને ટ્વીન્સે પોતાના જ ઘરના સ્ટડી રૂમમાં પંખા પર ફાંસો લગાવીને એકસાથે આપઘાત કરી લીધો હતો. આ જોડિયા ભાઈઓ ધોરણ 12 સાયન્સમાં ભણતાં હતાં અને બે દિવસ બાદ બંનેની પરીક્ષાઓ શરૂ થવાની હતી. 

બાળકોના માતા-પિતા શિક્ષક હોવાનું આવ્યું સામે 

બનાવ અંગેની જાણ થતાં જ સ્થાનિક પોલીસ કાફલો ઘટના સ્થળે પહોંચ્યો હતો અને પ્રાથમિક તપાસ હાથ ધરતા પરીક્ષાના ડરે આપઘાત કરી લીધું હોવાનું સામે આવ્યું છે. બાળકોના માતા-પિતા શિક્ષક હોવાનું ખુલ્યું છે. જો કે, સમગ્ર મામલે લક્ષ્મીપુરા પોલીસે વધુ તપાસ હાથ ધરી હતી.

આજકાલ બાળકોના આપઘાતના બનાવો વધ્યા 

આજ કાલ માતા-પિતા પોતાની વ્યસ્ત લાઇફ સ્ટાઇલમાં બાળકોને પુરતો સમય આપતા નથી, તો બીજી તરફ અમુક માતા-પિતાતો સામેથી પોતાના બાળકને મોબાઇલ આપીને વ્યસ્ત રાખતા હોય છે, જેથી તેમને કોઇ પરેશાની ન થાય. માતા-પિતાના આ વલણને કારણે બાળકો સતત મોબાઇલના સંપર્કમાં આવે છે, જેના કારણે બાળકો સ્વભાવે ચીડીયા, તોછડા અને જીદ્દી બની જાય છે. તથા મોબાઇલમાં આવતા ક્રાઇમ કન્ટેન્ટનના કારણે બાળકોના માનસ પર ગંભીર અસર પડે છે, પરિણામે તેના ખરાબ પરિણામ આવે છે. આખરે માતા-પિતાએ પોતાના બાળકને ગુમાવવાનો વારો આવે છે. આમ છેલ્લા 3 દિવસમાં ગુજરાતમાં બનેલી ચિંતાજનક ઘટનાએ સમાજ સામે મોટો સવાલ ઉભો કરી દીધો છે. તથા આવનારા સમયમાં સમાજે આ વિષય પર ચોક્કસથી ગંભીર વિચાર વિમર્શ કરવાની તાતી જરૂર ઉભી થશે.

હિંમતનગરમાં બાળકીના આપઘાતનો મામલો શું છે ?

• હિંમતનગરમાં 9 વર્ષની બાળકીનો આપઘાત
• પાંચબત્તી વિસ્તારમાં બાળકીએ ઘરમાં જ કર્યો આપઘાત
• અગમ્ય કારણસર બાળકીએ ગળેફાંસો ખાઇને જીવન ટૂંકાવ્યું 

રાજકોટમાં વિદ્યાર્થીનીના આપઘાતનો મામલો શું છે ?

• રાજકોટમાં ધોરણ-5માં અભ્યાસ કરતી વિદ્યાર્થિનીનો આપઘાત
• ભવાનીનગરમાં રહેતી 10 વર્ષની બાળકીએ ગળેફાંસો ખાધો
• પરિવાર ધાર્મિક પ્રસંગમાં ગયો હતો તે સમયે બાળકીએ કર્યો આપઘાત
• આપઘાત કરનાર બાળકી નિયમિત રીતે CID ક્રાઇમ જેવા કાર્યક્રમ જોતી હતી

મોરબીમાં સગીરના આપઘાતનો મામલો શું છે ?

• મોરબીમાં 13 વર્ષના સગીરનો આપઘાત
• જુના ઘુંટુ વિસ્તારમાં સગીરનો આપઘાત
• 13 વર્ષના સગીરે ગળેફાંસો ખાઇને આપઘાત કર્યો
• પિતાએ મોબાઇલ રિપેર ન કરાવી આપતા આપઘાત કર્યો
• નજીવી બાબતે સગીરને લાગી આવતા કર્યો આપઘાત

બાળકોના આપઘાત - માતાપિતા શું ઘ્યાન રાખે ? 

• છેલ્લા ત્રણ દિવસમાં ગુજરાતમાં ત્રણ બાળકોએ આપઘાત કર્યો
• ત્રણ દિવસમાં 10થી 13 વર્ષના બાળકોએ આપઘાત કર્યો 
• સાબરકાંઠા, રાજકોટ અને મોરબીમાં બાળકોએ આપઘાત કર્યો
• બાળકો કેમ આપઘાત કરે છે તે અત્યારે સમાજનો ગંભીર મુદ્દો
• સોશિયલ મીડિયાની દુનિયામાં માતા-પિતા બાળકને સમય આપતા નથી
• માતા-પિતા સોશિયલ મીડિયમાં બાળકોને લાઇક-ડીસલાઇક કરે છે
• કામના ભારણને કારણે માતા-પિતા બાળકને મોબાઇલમાં વ્યસ્ત રાખે છે 
• નાના બાળકો સતત મોબાઇલમાં રહેવાથી જીદ્દી અને તોચડા બની જાય છે
• મોબાઇલમાં ક્રાઇમ સિરિયલ જોવાથી બાળકના મગજ પર અસર પડે છે 
• માતા-પિતા મોબાઇલ આપીને છુટ્ટી જાય છે બાળક શું જોઇ છે તે ધ્યાન રાખતા નથી 
• મોબાઇલની કુટેવના કારણે બાળકમા ચીડીયાપણું આવી જાય છે 
• મોબાઇલ કુટેવથી બાળકનું ભણતરમાં પણ ધ્યાન રહેતું નથી
•  માતા-પિતા જ આ સમસ્યાનું સમાધાન લાવી શકે છે 
• માતા-પિતા પોતે સોશિયલ મીડિયામાં સેલ્ફ નિયંત્રણ મુકી શકે છે 
• માતા-પિતા પોતે ઘરમાં જરુર પુરતો મોબાઇલ ઉપયોગ કરીને બાળકને શિખ આપી શકે
• નાના બાળકોને મોબાઇલની જગ્યાએ પરંપરાગત રમત તરફ વાળી શકે

બાળકો આપઘાત કેમ કરે છે?

ત્યારે સવાલ થાય છે કે, બાળકો કેમ આપઘાત કરે છે અને બાળકોની માનસિક સ્થિતિ કેમ બગડે છે? મોબાઈલ યુગના કારણે બગડે છે સ્થિતિ? કેમ નાના બાળકો આપઘાત તરફ વળે છે? TV સિરિયલ, શૉ અને અન્ય કારણો જવાબદાર છે? સાયકોલોજીસ્ટોના શું છે મત? માતા-પિતાએ શું રાખવું પડશે ધ્યાન? બાળકની સ્થિતિ કેમ બગડે છે? બાળકોની આસપાસ બનતી ઘટના જવાબદાર છે?