દુર્ઘટના / ભરૂચ નજીક બે અલગ-અલગ સડક દુર્ઘટનામાં કુલ ત્રણના મોત

• ભરૂચ નજીક બે માર્ગ અક્સમાત 
• બે દુર્ઘટનામાં ત્રણ વ્યક્તિના મોત 
• બંને દુર્ઘટનામાં પોલીસ તપાસ શરુ 

ભરૂચના અંકલેશ્વર નજીક નેશનલ હાઇવે 48 ઉપર હિટ એન્ડ રનની ઘટના ઘટવા પામી હતી  અંકલેશ્વરથી સુરતની વચ્ચે આવેલા અંસાર માર્કેટ નજીક બે બાઈક સવારને ટક્કર મારી કોઈ અજાણ્યો વાહન ચાલક ફરાર થઈ ગયો હતો. અક્સમાત થતા જ ઘટના સ્થળે  જ બન્ને બાઈક સવાર વ્યક્તિઓના મોત નિપજ્યા હતા. સડક દુર્ઘટનાની જાણ થતા જ અંકલેશ્વર ગ્રામ્ય પોલીસ ઘટના સ્થળે દોડી આવી.ઘટનાની તપાસ શરુ કરી હતી. 

બીજી દુર્ઘટના નર્મદા મૈયા બ્રીજ પર 

અન્ય એક સડક દુર્ઘટનામાં ભરૂચના નર્મદા મૈયા બ્રીજ પર ત્રિપલ અકસ્માતની ઘટના ઘટી હતી. આ અકસ્માતમાં એક બાઈક સવારનું મોત નીપજ્યું હતું. આ અકસ્માત બે કાર અને બાઈક વચ્ચે થયો હતો. નર્મદા મૈયા બ્રીજ પર કેટલાક નાગરીકો ફોટો પાડવા માટે ઉભા  હતા આ દરમિયાન અક્સમાતની ઘટના ઘટી હતી. પોલીસે આ દુર્ઘટનાની પણ તપાસ હાથ ધરી છે. 

STને અકસ્માત - 6 ઈજાગ્રસ્ત 

આ બંને ઘટના તાજી જ છે ત્યાં ભરૂચથી  જંબુસર જતા માર્ગ  પર  થામ ગામ નજીક ટ્રક અને એસટી બસ વચ્ચે અકસ્માત સર્જાયો હતો. અકસ્માતમાં 6 વધુ લોકોને નાની મોટી ઇજા પહોંચી હતી. અકસ્માતના પગલે ટ્રાફિક જામ થઈ ગયો હતો. ઇજાગ્રસ્તોને 108ની મદદથી સારવાર અર્થે ખસેડાયા છે.