વડોદરામાં વેસ્ટર્ન બાયપાસ રોડ પર ગમખ્વાર અકસ્માતમાં એક વ્યક્તિનું મોત. અન્ય એક બાઈક પર સવાર દંપતી ઈજાગ્રસ્ત. અમદાવાદ અને અંકલેશ્વરમાં પણ ગમખ્અવાર અકસ્માતની ઘટના
એક જ દિવસમાં અકસ્માતમાં ચારના મોત,પાંચ ઈજાગ્રસ્ત
વડોદરામાં બે બાઈક અને ટ્રક વચ્ચે ટક્કર, એકનું મોત
અમદાવાદમાં કાર અકસ્માતમાં બેના મોત, ત્રણ ગંભીર
વડોદરામાં વેસ્ટર્ન બાયપાસ રોડ પર ગમખ્વાર અકસ્માત માં એક વ્યક્તિનું મોત નીપજ્યું છે. કેમિકલ ભરેલી ટ્રક અને બે બાઇક વચ્ચે અકસ્માત સર્જાતા સચિન પરમાર નામક યુવકનું મોત થયું છે. અન્ય એક બાઈક પર સવાર દંપતી ઈજાગ્રસ્ત છે. આ દંપતીને સારવાર માટે ખાનગી હોસ્પિટલમાં ખસેડાયું છે. અકસ્માત બાદ ટ્રક ચાલક ફરાર થઇ ગયો હતો. પોલીસે આ આકસ્મિક દુર્ઘટનાની તપાસ કરી છે.
અમદાવાદમાં અકસ્માતમાં બેના મોત,ત્રણ ગંભીર
અમદાવાદના CTM જામફળવાડી કેનાલ પાસે ગમખ્વાર અકસ્માત સર્જાયો હતો. અકસ્માતમાં બે વ્યક્તિના કમકમાટી ભર્યા મોત નિપજ્યા છે. જામફળવાડી કેનાલ પાસે ઉભેલી ટ્રક પાછળ કાર અથડાતા અકસ્માત સર્જાયો. બહાર ગામથી ઘરે પરત ફરી રહેલા 5 મિત્રોને અકસ્માત નડ્યો હતો,જેમાં 2 મિત્રોના મોત થયા હતાં જ્યારે અન્ય ત્રણ લોકોને ઇજા થતા સારવાર અર્થે હોસ્પિટલ ખસેડાયા છે.પોલીસે તાત્કાલીન ઘટના સ્થળે પહોંચી તપાસ હાથ ધરી છે.
અમદાવાદના CTM જામફળવાડી કેનાલ પાસે ટાટા હેરિયર કાર લઈને પાંચ યુવાન મિત્રો ફરવા ગયા હતાં ત્યાંથી પરત ફરતી વખતે જામફળવાડી કેનાલ નજીક ઉભેલા ખટારાની પાછળ તેમની કાર ધડાકાભેર અથડાઈ હતી. મોડી રાત્રે બે વાગ્યે બનેલી આ ઘટનામાં બે યુવાનોના મોત થયાં હતા. જ્યારે ત્રણ ગંભીર ઈજાગ્રસ્ત છે. ધડાકાનો અવાજ સાંભળીને આસપાસની સોસાયટીઓના સ્થાનિકો લોકો દોડી આવ્યાં હતાં. બાદમાં 108ની ટીમને જાણ કરતાં 108 એમ્બ્યુલન્સ ઘટના સ્થળે પહોંચી અને ઈજાગ્રસ્તોને સારવાર અર્થે હોસ્પિટલ ખસેડાયા હતાં.
અંકલેશ્વરમાં 1નુ મોત
અકલેશ્વરના ગડખોલ ઓવર બ્રિજ પર ગંભીર અકસ્માત સર્જાયો છે. ઓવર બ્રિજ પર કાર અને એસટી બસ વચ્ચે અકસ્માત સર્જાયો હતો. કાર અને બસ વચ્ચેના અકસ્માતથી કાર બ્રીજ પરથી નીચે ખાબકી હતી. આ ટક્કરથી એક ઈસમનુ મોત નિપજ્યુ જોવાનુ સામે આવ્યુ છે.