BIG BREAKING / પિપાવાવ પોર્ટ પરથી 90 કિલો પકડાયું હેરોઇન, અત્યાર સુધીમાં ગુજરાત સરહદેથી 2180 કરોડનું ડ્રગ્સ ઝડપાયું: DGP

• ગુજરાતની સરહદેથી અત્યાર સુધીમાં 2180   કિલો ડ્રગ્સની મોટી ખેપ ઝડપાઇ
• હજારો કરોડનું ડ્રગ્ઝ ઝડપાયુ હોવાનો અંદાજ 
• ATS, DRI અને કસ્ટમનું મેગા ઓપરેશન

ગુજરાતમાં ડ્રગ્સની ખેપ મળવવાના કિસ્સાઓ સામન્ય બનતા જાય છે. ડ્રગ્સ માફિયાઓ ગુજરાતના દરિયા કિનારાનો ઉપયોગ કરી યુવાનોને નશાના રવાડે ચડાવવાના પ્રયાસ કરી રહ્યા છે. ત્યારે ગુજરાત ATS, DRI અને કસ્ટમનું મેગા ઓપરેશનમાં મોટી સફળતા હાથ લાગી છે.ગુજરાતની સરહદેથી છેલ્લા 1-2 મહિનામાં  2180   કિલો ડ્રગ્સ ઝડપાયું છે. જેની કિમંત કરોડોમાં આંકવામાં આવી રહી છે.

પીપવાવ પોર્ટ પર 5 મહિના પહેલા કન્ટેનર અવાયું હતું

• કેન્ટેનરમાં સુતળી હતી
• એટીએસને માહિતી મળી કે સુતળીના કન્ટેનરમાં હેરોઇન છે
• 80 થી 90 કિલો હેરોઇન મળી અવાયું
• આ હેરોઇનની કિંમત 450 કરોડ થાય છે
• 2180 કરોડના 436 કિ. ગ્રામ હેરોઇન અત્યાર સુધીમાં ઝડપાયુ

કેવી રીતે ઝડપાયું ડ્રગ્સ?
હાજર સૂત્રો દ્વારા મળતી માહિતી મુજબ પીપાવાવ પોર્ટ નજીક ફોરવે પર કોન્ટ્રાન્સ લોજીસ્ટીક કંપનીમાં આયાતી કન્ટેનરો રાખવામાં આવે છે. પોલીસને મળેલી ખાસ સૂચના અનુસાર ગઈકાલે કોન્ટ્રાક લોજીસ્ટીકમાં કન્ટેનર સિઝ કરવામાં આવ્યા હતા. જે બાદ કન્ટેનરમાં હાજર માલના નમૂના લઈ તેણે લેબોરેટરીમાં મોકલવામાં આવ્યા હતા. ઉત્તરાયરણમાં દોરીને કલર પીવડાવવામાં આવે છે, એવી જ રીતે સુતળી ઉપર ડ્રગ્સનો ઢોળ ચડાવી ડ્રગ્સની ખેપ કન્ટેનર મારફતે અહી લાવવામાં આવી હતી. એટીએસને માહિતી મળી કે સુતળીના કન્ટેનરમાં હેરોઇન છે, જે બાદ સયુક્ત કાર્યવાહીમાં 80 થી 90 કિલો હેરોઇન મળી આવ્યું છે.આ હેરોઇનની કિંમત 450 કરોડ થાય છે

DGP આશિષ ભાટીયા પ્રેસ કોન્ફરન્સ
કંડલા પોર્ટ પર કન્સાઇમેન્ટ પકડવામાં આવ્યા હતા. જેમાં 280 કરોડની કિમંતનું ડ્રગ્સ ઝડપાયું હતું. જે બાદ કંડલા પોર્ટમાં DRI તપાસ કરી રહી છે. 205 કિલો હેરોઇનનો જથ્થો ઝડપાયો હતો. જોબનસિંહ નામના વ્યક્તિની ઝડપી પાડવામાં આવ્યો હતો જે જોબનસિંહ ઉતરાખંડનો રહેવાસી છે. ડ્રગ્સ માફિયાઑએ જિપ્સમ પાઉડરના કન્ટેનરની આડમાં ડ્રગ્સ છુપાવ્યું હતું. એક કન્ટેનરમાં હેરોઇન હતુ

પાકિસ્તાની બોટમાંથી 56 કિલો હેરોઇન ઝડપી પાડ્યું હતું
આ ઉપરાંત પાકિસ્તાની બોટમાંથી 56 કિલો હેરોઇન પણ હાલમાં પકડવામાં આવ્યું છે. આ કાર્યવાહીની વધુ માહિતી આપતા DGP આશિષ ભાટીયાએ જણાવ્યું હતું કે બોટને જ્યારે ઝડપી ત્યારે ભાગવાનો પ્રયાસ કર્યો હતો. 200 રાઉન્ડ ફાયરિંગ થયું હતું જેમાં બોટના ટંડેલને ઇજા થઇ હતી હાલમાં તે સારવાર હેઠળ છે. NCB અને ATSની સંયુક્ત ટીમે કાર્યવાહી કરી હતી.જેની તપાસમાં અવતારસિંગ ઉર્ફે સની પકડવામાં આવ્યો. અન્ય બે આરોપી ઝડપાયા છે. દિલ્લી અને મુઝફ્ફરનગરમાં કાર્યવાહી કરવામાં આવી હતી. બે આરોપી NCB દિલ્લી પાસે છે જેની તપાસ ચાલી રહી છે.

સવાલ - કોઈ મોટા માથા ઝડપાયાં છે ?
DGP આશિષ ભાટીયાના જવાબ - આ વખતે આ બોટ પકડાઈ તેની અંદર દિલ્હી અને મુઝફ્ફરનગરમાં તપાસ થઈ અને ગોડાઉન ઝડપાયું જ્યાં આ મુદ્દામાલ જવાનો હતો. ત્યાં આ માલનો ભાગ કરી તેનું વેચાણ કરવાનું હતું. મુખ્ય માથા ઝડપાયાં છે. રાઝી હૈદર લોકલ વ્યક્તિ છે. તેની પુછપરછમાં જ બીજું હેરોઈન ઝડપાયું છે. હજુ પુછપરછ ચાલુ છે. 

સવાલ - કેટલાં સમયથી સંકળાયેલા છે ?
જવાબ - કુલ ૫-૭ મહિનાનો સમય હોઈ શકે. પુછપરછ બાદ ખ્યાલ આવી શકે. 

સવાલ - મોડસ ઓપરેન્ડી બદલાઈ રહી છે 
જવાબ - કસ્ટમ વિસ્તારમાં કાર્યવાહી થતી હોય છે, ડીઆરઆઈ અને બીજી એજન્સી માહિતી મળ્યે કાર્યવાહી કરતાં હોય છે. ઓલ ઈન્ડિયા પોર્ટ પર કાર્યવાહી ચાલુ છે. આરોપી નવા પેંતરા અપનાવે છે. મોટા ભાગનું ડ્રગ સપ્લાય થઈ રહ્યું છે.

સવાલ - મુખ્ય વ્યક્તિ અંગે કેવી કાર્યવાહી હાથ ધરાશે ?
જવાબ - મુસ્તફા ઐયુબ કરાંચીના છે એટલી જ માહિતી ખ્યાલ છે.

સવાલ - એસિટીક એનાફીટ્રેડ શું છે ?
જવાબ - અફીણ અને મોર્ફિનની મદદથી હેરોઈન તૈયાર કરવા માટેનું કેમિકલ. આ કેમિકલ રાખવું ગુનો બને છે.

આ અગાઉ ગુજરાતમાં અત્યાર સુધી કયા કયાથી ઝડપાઇ ડ્રગ્સની ખેપ 

• સુરત અને દ્વારકામાં ઝડપાયું ડ્રગ્સ
• સુરતમાં MD ડ્રગ્સનો 58.530 ગ્રામ જથ્થો ઝડપાયો
• મુંદ્રા પોર્ટ ઉપરથી ઝડપાયો ડ્રગ્સનો જથ્થો
• 21 હજાર કરોડનો 2988 કિલો હેરાઇન ઝડપાયું
• 24 ઓક્ટોબરે અમદાવાદમાં 25 લાખનું ડ્રગ્સ ઝડપાયુ
• 23 ઓક્ટોબરે વડોદરામાંથી ગાંજો અને MD ડ્રગ્સ ઝડપાયું
• 22 ઓક્ટોબરે રાજકોટમાં ક્રિકેટર ડ્રગ્સ સાથે ઝડપાયો
• 12 ઓક્ટોબરે ડિસામાંથી 15 લાખનું ડ્રગ્સ ઝડપાયું
• 26 સપ્ટેમ્બરે સુરતથી 1 કિલો હાઇબ્રિડ ગાંજો ઝડપાયો
• 25 સપ્ટેમ્બરે સુરતથી 19.62 લાખનું MD ડ્રગ્સ જપ્ત
• 20 સપ્ટેમ્બરે પોરબંદર ડ્રગ્સ સાથે 7 ઇરાની નાગરિકો ઝડપાયા
• 4 ઓગસ્ટે વલસાડથી MD ડ્રગ્સ બનાવતી કંપની ઝડપાઇ
• આણંદમાં ગાંજાના 900 કિલો છોડ પોલીસે ઝડપી પાડ્યા
• ગુજરાતમાં જૂનથી ઓક્ટોબર સુધી 21 ડ્રગ્સના કેસ થયા
• પોલીસ અને NCBએ 6.6 કરોડના માદક દ્રવ્યો જપ્ત કર્યા
• રાજ્યમાં રેલવે, માર્ગ અને હવાઇ માર્ગે હેરાફેરીમાં 52 લોકોની ધરપકડ
• ગુજરાતમાં 2020માં ડ્રગ્સના 308 કેસ નોંધાયા
• જેમાં 117 વ્યક્તિગત વપરાશના કેસ
• 2019માં NDPSના 289 કેસ નોંધાયા
• 112 અંગત વપરાશ માટેના હતા
• 2018માં 150 કેસ નોઁધાયા
• 60 કેસો અંગત ઉપયોગ માટે ડ્રગ્સ વાપરતા હોવાનું ખુલ્યુ

દરિયાઇ સરહદે  પેટ્રોલિંગ વધારાયું
દરિયાઈ વિસ્તારોમાં સતત ડ્રગ્સનો મોટા જથ્થાઓ પકડાતા દરિયાઇ સરહદને એલર્ટ કરી દેવામાં આવી છે.ગુજરાતની દરિયાઇ સરહદે કોસ્ટગાર્ડ, નેવી, BSF અને મરીન પોલીસ દ્વારા પેટ્રોલિંગમાં વધારો કરવામાં આવ્યો છે. દરિયાઇ સરહદે વિવિધ એજન્સીઓ દ્વારા પેટ્રોલિંગ કરવામાં આવી રહ્યું છે. ડ્રગ્સનો જથ્થો દરિયાઇ માર્ગે આવ્યો હોવાની પ્રાથમિક માહિતી સામે આવતા પેટ્રોલિંગમાં વધારો કરાયો છે