યામી ગૌતમ અભિનીત એ-થર્સડેનું ટ્રેલર રિલીઝ થઇ ગયુ છે. ટ્રેલર પરથી સ્પષ્ટ જાણવા મળી રહ્યું છે કે થ્રિલર અને સસ્પેન્સથી ભરપૂર આ રોમાંચક ફિલ્મ છે. આ ફિલ્મનું ટ્રેલર એટલુ રસપ્રદ છે કે તમે ફિલ્મ જોવાનુ પસંદ કરશો. જેને બેહજાદ ખંબાટાએ ડાયરેક્ટ કર્યુ છે.
યામી ગૌતમ અભિનીત 'એ-થર્સડે'નું ટ્રેલર રિલીઝ થયુ
થ્રિલર અને સસ્પેન્સથી ભરપૂર છે આ રોમાંચક ફિલ્મ
ટ્રેલરમાં યામીના પગલાથી વહીવટી તંત્રમાં દોડધામ
એ-થર્સડેના ટ્રેલરમાં યામી ગૌતમનો આક્રમક અંદાજ
આ ફિલ્મમાં યામી ગૌતમ સિવાય નેહા ધૂપિયા, ડિમ્પલ કાપડિયા, અતુલ કુલકર્ણી અને કરણવીર શર્મા છે. આ ફિલ્મના ટ્રેલરમાં જ યામી ગૌતમનો આક્રમક અંદાજ દેખાઈ રહ્યો છે. આની પહેલા યામી ગૌતમ ક્યારેય પણ આ પ્રકારના રોલમાં જોવા મળી નથી. એ-થર્સડેનું ટ્રેલર કિન્ડરગાર્ટન ટીચર નૈના જયસ્વાલ (યામી ગૌતમ)થી થાય છે, જે કોલાવા પોલીસ સ્ટેશન ફોન કરીને જણાવે છે કે 16 બાળકોએ તેને બંધક બનાવી લીધા છે. નૈનાના આ પગલાથી આખા વહીવટી તંત્રમાં દોડધામ મચી છે. અતુલ કુલકર્ણી ફિલ્મમાં એક પોલીસ અધિકારીના પાત્રમાં છે, જે નૈનાને તેની ડીમાન્ડ પૂછી રહ્યો છે.
ટ્રેલરમાં યામી ગૌતમ આક્રમક અંદાજમાં દેખાઈ રહી છે. ટ્રેલરમાં નેહા ધૂપિયા એક પોલીસની ભૂમિકામાં છે, જે આ દરમ્યાન પ્રયાસ કરે છે કે યામીને સમજાવીને બાળકોને મુક્ત કરવામાં આવે. પરંતુ તે માનતી નથી. ઉપરથી ધીરે-ધીરે નૈનાની ડિમાન્ડ વધવા લાગે છે. ત્યારબાદ અપહરણ કરનાર વડાપ્રધાન સાથે વાતચીત કરવાની માગ કરે છે. આ સાંભળીને સૌ કોઈ ચોંકી જાય છે. ડિમ્પલ કાપડિયા ફિલ્મમાં વડાપ્રધાનનું પાત્ર નિભાવી રહી છે. આ દરમ્યાન નૈના એક અલગ માગ મૂકીને હોબાળો મચાવે છે. નૈના કહે છે કે જો તેની માગને માનવામાં નહીં આવે તો તે દર એક કલાકે એક બાળકને ગોળી મારી દેશે. જો વહીવટી તંત્ર લોહીયાળ સ્થિતિ ઈચ્છતા ના હોય તો 5 કરોડ રૂપિયાની વ્યવસ્થા કરે.