ચોરી / CCTV: 13 સેકન્ડમાં 1 લાખ કર્યા છૂમંતર, વડોદરામાં લગ્નની પાર્ટીમાં ચોરે કર્યો હાથફેરો

લગ્ન સમારંભમાં સૌ કોઇનું ધ્યાન સેલિબ્રેશનમાં હોય છે, આ દરમ્યાન ઘણીવાર આપણી આસપાસથી જ ગઠીયાઓ મોકાનો લાભ ઉઠાવીને મહેનતની કમાણીના પૈસાનો ચૂનો લગાવી જાય છે. આવીજ એક ઘટના વડોદરામાં સામે આવી. જ્યા ગઠિયો મહિલાનું પર્સ ઉઠાવી ગયો જેમાં એક લાખ રૂપિયા રોકડા અને મોબાઇલ ફોન હતો.

વડોદરામાં એક લગ્ન સમારંભની આ ઘટના હતી. ચોરીની ઘટના સીસીટીવી કેમેરામાં કેદ થઇ ગઇ. આજવા રોડ પર આવેલા કાશીબા પાર્ટી પ્લોટમાં લગ્ન સમારંભ યોજાયો હતો. ગત 28 તારીખે યોજાયેલા આ લગ્ન સમારોહમાં ગઠિયો નજર ચૂકવીને પર્સ લઇને ફરાર થઇ ગયો હતો.. પર્સમાં 1 લાખ રૂપિયા રોકડા અને મોબાઇલ ફોન હતો. પોલીસે સીસીટીવી ફૂટેજના આધારે આ મામલે વધુ તપાસ હાથ ધરી છે.

સીસીટીવી કેમેરામાં કેદ થયેલા ફૂટેજમાં જોઇ શકાય છે કે વ્હાઇટ શર્ટ પહેરેલો એક વ્યક્તિ મહિલાની નજર ચૂકવીને તેનું પર્સ ઉઠાવી લે છે, પછી તેને ચૂપચાપ પોતાની પાસે રહેલી બેગમાં રાખી દે છે.. અને પછી ત્યાંથી રફુચક્કર થઇ જાય છે.

આ પણ વાંચોઃ VIDEO: 'ભાઈ અને પિતા માથું ઉંચું કરી ફરે તેવું કામ કરજો', સાંસદ ગેનીબેન ઠાકોરનું યુવતીઓને સૂચન

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ