દુ:ખદ / રાજસ્થાનમાં ટ્રક અને કાર વચ્ચે ભયંકર અકસ્માત, 3 લોકોના ઘટનાસ્થળે જ કમકમાટીભર્યા મોત, 2 ઘાયલ 

• રાજસ્થાનમાં ટ્રક અને કાર વચ્ચે ભયંકર અકસ્માત
• અકસ્માતમાં 3 લોકોનાં ઘટનાસ્થળે જ મોત નીપજ્યાં
• 2 લોકો ગંભીર રીતે ઇજાગ્રસ્ત બનતા સારવાર હેઠળ ખસેડાયા 

રાજસ્થાનના બાડમેરમાં માર્ગ અકસ્માતની ઘટનામાં 3 લોકોના મોત થયાનું સામે આવ્યું છે. પ્રાથમિક વિગતો મુજબ ટ્રક અને કાર વચ્ચે ધડાકાભેર ટક્કર થતાં અકસ્માત સર્જાયો હતો. અકસ્માત એટલો બધો ભયંકર હતો કે, ઘટના સ્થળે જ 3 લોકોના કમકમાટીભર્યા મોત નિપજ્યાં હતા. આ સાથે 2 વ્યક્તિ ગંભીર રીતે ઇજાગ્રસ્ત થતાં તેમણે તાત્કાલિક સારવાર અર્થે ખસેડવામાં આવ્યા હતા. 

રાજસ્થાનમાં માર્ગ અકસ્માતની વધતી જતી ઘટનાઓમાં આજે વધુ એકનો ઉમેરો થયો છે. રાજસ્થાનના બાડમેર-ગુડમલાની પંથકમાં ભયાનક અકસ્માતની ઘટના સામે આવી છે. આજે સવારના સમયે એક ટ્રક અને કાર વચ્ચે અક્સ્માતની ઘટના બની હતી. જેમાં ટ્રક-કાર વચ્ચે ટક્કર થતાં ત્રણ લોકોના મોત થયા હતા. 

Rajasthan | There has been an accident between a truck and a car. 3 people have died, and 2 injured persons have been rushed to the hospital: Shubhkaran, Circle Officer, Gudamalani, Barmer (10.09) pic.twitter.com/CJ5XHE3wz3

— ANI MP/CG/Rajasthan (@ANI_MP_CG_RJ) September 11, 2022

આ તરફ બાડમેરના ગુડામલાનીના સર્કલ ઓફિસર શુભકરણે જણાવ્યું હતું કે,  એક ટ્રક અને કાર વચ્ચે અકસ્માત સર્જાયો હતો. જેમાં  3 લોકોનાં મોત નીપજ્યાં છે. આ સાથે 2 ઘાયલ લોકોને હોસ્પિટલમાં ખસેડવામાં આવ્યા છે. મહત્વનું છે કે, રાજસ્થાનમાં કેટલાક સમયથી માર્ગ અકસ્માતની ઘટનાઓમાં નોંધપાત્ર વધારો થયો છે.