મહામારી / ચાલુ ફ્લાઈટમાં મહિલા થઈ કોરોના પોઝિટીવ, પ્રવાસીઓને સંક્રમિત થતા અટકાવવા જે કર્યું તેની ચારેબાજુ પ્રશંસા

• અમેરિકી મહિલાને ચાલુ ફ્લાઈટમાં થયો કોરોના
• પાંચ કલાક સુધી વિમાનના બાથરુમમાં પુરી દેવાઈ
• વિમાનમાં બેસ્યા બાદ મહિલાને ગળામાં થઈ તકલીફ
• કોરોના રિપોર્ટ પોઝિટીવ આવ્યો, પ્રવાસીઓ ડર્યાં

શિકાગોથી આઈસલેન્ડની ઉડાણ દરમિયાન ટીચર મારિસા ફોટિયોનો અડધા રસ્તે કોરોનાનો ટેસ્ટ પોઝિટીવ આવ્યો હતો. વિમાનમાં બેસ્યા બાદ તેને ગળામાં તકલીફ થવા લાગી હતી. આ ઘટના બાદ વિમાની સત્તાવાળાઓ દ્વારા કોવિડ પોઝિટીવ મહિલાને પાંચ કલાક સુધી બાથરુમમાં પૂરી દીધી હતી. 

ચાલુ ફ્લાઈટમાં ગળામાં ખરાશ આવી, કોરોના રિપોર્ટ પોઝિટીવ આવ્યો

મીડિયા રિપોર્ટ અનુસાર મિશિગનની ટીચર મારિસા ફોટિયાએ કહ્યું છે કે 19 ડિસેમ્બરે પ્રવાસ દરમિયિાન તેને ગળામાં દર્દ થવા લાગ્યું હતું તેથી તે કોવિડ ટેસ્ટ કરવા માટે બાથરુમમાં ગઈ હતી, ટેસ્ટમાં તેનો રિપોર્ટ પોઝિટીવ આવ્યો હતો. તેણે કહ્યું કે એરપોર્ટ પર તેણે2 પીસીઆર ટેસ્ટ અને 5 રેપિડ ટેસ્ટ કરાવ્યાં હતા. તમામ રિપોર્ટ નેગેટિવ આવ્યાં હતા પરંતુ ફ્લાઈટમાં લગભગ દોઢ કલાક બાદ તેનું ગળું ખરાબ થવા લાગ્યું હતું જે પછી ફરી રેપિડ ટેસ્ટ કરાવ્યો હતો જે પોઝિટીવ આવ્યો હતો. 

બીજા પ્રવાસીઓનું જીવન જોખમમાં મૂકવાને બદલે પાંચ કલાક સુધી બાથરુમમાં પુરાઈ રહી
ફ્લાઈટમાં કોવિડ પોઝીટીવ આવ્યાં બાદ ટીચર મારિસા ફોટિયો એક પ્રશંસનીય કામ કર્યું. પોતે તો હવે કોવિડ પોઝિટીવ હતી પરંતુ ફ્લાઈટના બીજા પ્રવાસીઓ સંક્રમિત ન થાય તે માટે તેણે પોતાની જાતને 5 કલાક સુધી બાથરુમમાં બંધ કરી દીધી હતી અને આ રીતે બીજા પ્રવાસીઓને સંક્રમિત થતા બચાવ્યાં હતા, તેમના આ કામના વખાણ થઈ રહ્યાં છે. 

બાથરુમમાં બેસીને સફર પૂરી કરી
મારિસાએ કહ્યું કે મેં લગભગ પાંચ કલાક સુધી બાથરુમમાં બેસીને સફર પૂરી કરી હતી કારણ કે હું બીજા પ્રવાસીઓને પોઝિટીવ કરવા માગતી નહોતી. બાથરુમની બહાર એક નોટીસ પણ લગાડી દેવાઈ હતી જેથી કરીને પ્રવાસીઓ અંદર ન જઈ શકે.