અડપલાં / સરખેજમાં શિક્ષક ભૂલ્યો ભાન..! ટ્યૂશન ક્લાસીસ આવતી વિદ્યાર્થિનીઓ સાથે કર્યું એવું કે થયો જેલ ભેગો, 'દાખલો' બેસાડયો

• શિક્ષકે વિદ્યાર્થિનીની કરી છેડતી
• ટ્યૂશન ક્લાસીસના શિક્ષકે કરી છેડતી
• પોલીસે શિક્ષકની કરી ધરપકડ

અમદાવાદના સરખેજમાં એક શિક્ષકની શર્મસાર કરતી ઘટના સામે આવી છે. ઘરે ટ્યુશન માટે આવતી વિદ્યાર્થીનીઓને અડપલા કરી છેડતી કરનાર હવશખોર શિક્ષકની ધરપકડ કરવામાં આવી છે. અત્યારસુધી બે વિદ્યાર્થીનીઓ ભોગ બની હોવાનું સામે આવ્યું છે પણ ભોગ બનનાર વિધ્યાર્થીનીઓ વધુ હોવાનું પોલીસ માની રહી છે અને જેના આધારે પોલીસે તપાસ વધુ તપાસ હાથ ધરી છે.

શિક્ષકે વિદ્યાર્થિનીની કરી છેડતી
આલોકકુમાર સિંઘ જે વ્યવસાયે શિક્ષક છે પણ વિદ્યાર્થીનીઓને શિક્ષાના પાઠ ભણાવવાની જગ્યાએ ગુનાહિત કામ કરતો હતો. આરોપી એક હાઇપ્રોફાઇલ ટાઉનશીપમાં રહે છે જ્યાં તે વર્ષ 2018થી ઘરેથી જ ટ્યુશન ચલાવે છે. જેના ત્યાં હાઇપ્રોફાઇલ શાળામાં ભણતી વિદ્યાર્થીનીઓ પણ ટ્યુશન માટે આવતી હતી જેને ભણાવવાની જગ્યાએ 40 વર્ષની ઉંમરનો આ શિક્ષક તેની દીકરીની ઉંમરની વિદ્યાર્થીનીઓને અડપલા કરતો અને શારિરીક છેડતી પણ કરતો હતો. જે બાબતે ફરિયાદ નોંધાતા પોલીસે ગુનો નોંધી તેની ધરપકડ કરી છે.

પોલીસે શિક્ષકની કરી ધરપકડ
આરોપીએ અત્યારસુધી જે વિદ્યાર્થીનીઓ સાથે આ પ્રકારની અશ્લીલ હરકત કરી તે બંને વિદ્યાર્થીનીઓ ગભરાઇ ગઇ હતી. જેથી તેઓએ તેમના વાલીઓને આ હકીકત જણાવી હતી. બાદમાં બંને વિદ્યાર્થીનીઓના પરિવાર વચ્ચે  વાત થયા બાદ ફરિયાદ નોંધાઇ છે. અન્ય કોઇ વિદ્યાર્થીનીઓ આ શિક્ષકની હવસનો ભોગ ન બને એ માટે ફરિયાદ નોંધાવતા પોલીસે પણ દાખલો બેસાડવા માટે કડક કાર્યવાહી હાથ ધરી છે ત્યારે હાલ સરખેજ પોલીસે આરોપીની ધરપકડ કરી તેના રિમાન્ડ મેળવી વધુ તપાસ શરૂ કરી છે.

પોલીસે તપાસ વધુ તપાસ હાથ ધરી
અત્યારે તો ભોગ બનેલી બે વિદ્યાર્થીનીઓ સામે આવી છે. પણ આ લંપટ શિક્ષકે વધુ કોઇ વિદ્યાર્થીનીઓ સાથે આ પ્રકારની હરકત કરી છે કે કેમ તે બાબતને લઇને પણ તપાસ શરૂ કરી છે સાથે જ તપાસમાં એવું પણ સામે આવ્યું છે કે આરોપી વિદ્યાર્થીનીને રવિવારે એકલી બોલાવતો અને બાદમાં છેડતી કરતો હતો આ તમામ આરોપ બાબતે હવે પોલીસે તપાસ શરૂ કરી છે