બનાસકાંઠામાં ઇન્ટરક્રોપ પદ્ધતિથી ખેતી કરી શિક્ષક ખેડૂત ત્રણ વીઘા જમીનમાં 15 જાતના પાકો વાવીને વાર્ષિક પાંચ લાખથી વધુ આવક કરે છે...શું છે આ ઈન્ટરક્રોપ પદ્ધતિ
બનાસકાંઠાના શિક્ષકનો પ્રયોગ
પાક સાથે કરી ઈન્ટરક્રોપ ખેતી
ખેતીથી વર્ષે 5 લાખ કમાવાનું લક્ષ્ય
વિશ્વ અને દેશમાં વિવિધ ક્ષેત્રોમાં આવેલી આધુનિકતાથી વ્યવસાયો ધમધમતા થયા છે. આ આધુનિકતાનો ખેતીમાં પણ ઉપયોગ કરવામાં આવે છે...જેથી ખેડૂતોને પણ મહદ અંશે ઘણી રાહત મળતી હોય છે...ત્યારે બનાસકાંઠામાં ઇન્ટરક્રોપ પદ્ધતિથી ખેતી કરી શિક્ષક ખેડૂત ત્રણ વીઘા જમીનમાં 15 જાતના પાકો વાવીને વાર્ષિક પાંચ લાખથી વધુ આવક કરે છે...આવો જાણીએ અમારા વિશેષ અહેવાલમાં ઈન્ટરક્રોપ પદ્ઘતિ શું છે..અને શિક્ષક ખેડૂતે તેનો કેવી રીતે ઉપયોગ કર્યો છે.
કેવી રીતે થાય છે લાખોની કમાણી
બનાસકાંઠા જિલ્લો ખેતી અને પશુપાલન આધારિત જિલ્લો છે. આ જિલ્લાના ખેડૂતો ઓછા પાણીમાં ખેતી કરતા હોય છે. ત્યારે ડીસાના રસાણા ગામના ખેડૂત શિક્ષકે શિક્ષણ કાર્ય સાથે પોતાના ખેતરમાં 13 પ્રકારના ફ્રૂટ ક્રોપ વાવ્યા છે. તમે જે દ્રશ્યો જોઈ રહ્યા છો તે બનાસકાંઠાના ખેતરના છે. આંબા, ચીકુ, અંજીર, ખારેક, મોસંબી, સંતરા, લીંબુ, સીતાફળ, આમળા જેવા ફ્રૂટક્રોપ વાવીને અંદાજીત પાંચ લાખ રૂપિયાની કમાણી કરે છે..ત્યારે શિક્ષક ખેડૂતો અન્ય ખેડૂતો માટે ઉદાહરણ ઉભુ કર્યુ છે.
શું છે એટીએમ ફાર્મ ?
કૃષિ વિજ્ઞાન કેન્દ્ર ડીસામાંથી માર્ગદર્શન લઈને પ્રગતિશીલ ખેડૂત ભગવાનભાઈ દેસાઈએ પોતાના ખેતરમાં એટીએમ ફાર્મ ઊભું કર્યુ છે. શિયાળો, ઉનાળો અને ચોમાસાની સીઝનમાં વાવેતર કરવામાં આવતા ખેતી પાકો જેવા કે બટાકા મગફળી ઘઉં જેવા આતર પાકોનું વાવેતર થતું હોવાથી જમીન પણ ફાજલ પડી નથી રહેતી.. બનાસકાંઠામાં એક બાજુ ભૂગર્ભજળની સમસ્યા સતાવી રહી છે...ત્યારે શિક્ષક ભગવાનભાઈ દેસાઈ શિક્ષણ કાર્ય સાથે ખેતીમાં પણ કાઠું કાઢ્યું છે. ત્યારે હાલ તો ફ્રુટક્રોપ પદ્ધતિથી ખેતી કરી સાથે બાગાયતી પાકની પણ ખેતી કરી અઢળક કમાણી કરવાનો નિર્ધાર કર્યો છે