લાંબી સિટિંગના નુકસાનથી બચવા માટે દર એક કલાકની સિટિંગને બદલે 3 મિનિટ એકસરસાઈઝ કરવામાં આવે તો ગંભીર બીમારિઓથી બચી શકાય છે તથા વ્યક્તિના આકસ્મિક મૃત્યુનો ખતરો પણ 30% સુધી ઘટે છે
લાંબી સિટિંગ અસમય મૃત્યુ તથા ઘણી બીમારિઓ માટે જવાબદાર છે
એકસરસાઈઝથી ખતરો ટળી શકે છે
કૈલેડોનિયન યૂનિવર્સિટીના રિસર્ચર્સ દ્વારા આ દાવો કરવામાં આવ્યો છે
લાંબી સિટિંગથી થતા નુકસાનો
વધારે સમય સુધી એક જગ્યા પર બેસી રહેવાથી સ્વાસ્થ્યને ઘણું નુકસાન થાય છે. લાંબી સિટિંગ, મોટાપો તથા કેન્સર જેવી ઘણી બીમારિઓ માટે જવાબદાર છે. પરંતુ જો લાંબી સિટિંગથી થતા નુકસાનથી બચવા માટે દર એક કલાકની સિટિંગને બદલે 3 મિનિટ મધ્યમ-ઝડપી ગતિથી એકસરસાઈઝ કરવામાં આવે તો ન કેવળ આ ગંભીર બીમારિઓથી બચી શકાય છે, પરંતુ વ્યક્તિના આકસ્મિક મૃત્યુનો ખતરો પણ 30% સુધી ઘટી શકે છે. ગ્લાસગો કૈલેડોનિયન યૂનિવર્સિટીના રિસર્ચર્સ દ્વારા કરવામાં આવેલ સ્ટડીમાં આ દાવો કરવામાં આવ્યો છે.
એકસરસાઈઝને કેટલો સમય આપવો?
આ સ્ટડી અનુસાર, કામ બાદ દિવસના શેષ બચેલા સમયે (એટલે સુવા માટે 7 થી 8 કલાક બાદ કરીને) પણ વ્યક્તિએ એક્ટીવ રહેવું જોઈએ. જો તમારું કામ લાંબી સિટિંગનું છે તો તમારે એ જ હિસાબે એકસરસાઇઝને પણ સમય આપવો જોઈએ. એટલે કે એક કલાકની સિટિંગને બદલે જો તમારે 3 મિનિટ એકસરસાઈઝનો લાભ લેવો હોય તો એ અનુસાર પોતાની કુલ સિટિંગને બદલે એકસરસાઇઝને સમય આપવો પડશે. ટૂંકમાં કહીએ તો, જો તમારી 4 થી 6 કલાકની સિટિંગ છે, તો તમારે એકસરસાઇઝને માટે 12 થી 18 મિનિટ આપવી જોઈએ. આવી જ રીતે 6 થી 8 કલાકની સિટિંગ પર 18-24 મિનિટ વ્યાયામ કરવો પડશે તથા 8 થી 10 કલાકની સિટિંગ પર 24-30 મિનિટ એકસરસાઈઝને આપવી પડશે.