છોટાઉદેપુરના સાતબેડીયા ગામની નર્મદા મુખ્ય કેનાલ પાસેથી વિદ્યાર્થીનું સ્કૂટર અને આઈડી કાર્ડ મળી આવ્યું છે. જેથી વિદ્યાર્થીએ કેનાલમાં પડીને આપઘાત કર્યો હોવાની આશંકા વ્યક્ત કરવામાં આવી રહી છે.
સાતબેડીયા ગામ નજીક કેનાલમાં વિદ્યાર્થી પડ્યો હોવાની આશંકા
નર્મદા મુખ્ય કેનાલ નજીક મોપેડ અને વિદ્યાર્થીનું આઈકાર્ડ મળ્યું
ધોરણ 11માં અભ્યાસ કરતા દિવ્યાંગકુમાર રોહિતની શોધખોળ શરૂ
છોટાઉદેપુરના સાતબેડીયા ગામની નર્મદા કેનાલ પાસેથી ધોરણ 11ના વિદ્યાર્થીનું સ્કૂટર અને સ્કૂલનું આઈકાર્ડ મળી આવ્યું છે. જેને પગલે તેણે કેનાલમાં કૂદીને આપઘાત કર્યો હોવાની આશંકા વ્યક્ત કરવામાં આવી રહી છે. હાલ આ બનાવને પગલે નસવાડી પોલીસની ટીમ પણ ઘટના સ્થળે પહોંચી છે અને વિદ્યાર્થીની શોધખોળ હાથ ધરી છે. તો વિદ્યાર્થીઓના માતા-પિતા પણ ચોધાર આંસુઓએ રડી રહ્યા છે.
વિદ્યાર્થીએ આપઘાત કર્યો હોવાની આશંકા
મળતી માહિતી અનુસાર, સાતબેડીયા ગામ નજીક કેનાલમાં દિવ્યાંગકુમાર રોહિત નામનો વિદ્યાર્થી પડ્યો હોવાની આશંકા વ્યક્ત કરવામાં આવી રહી છે. નર્મદાની મુખ્ય કેનાલ પાસેથી વિદ્યાર્થીનું સ્કૂટર અને વિદ્યાર્થીનું આઈકાર્ડ મળી આવ્યું છે. જેથી વિદ્યાર્થીએ કેનાલમાં પડીને આપઘાત કર્યો હોવાની આશંકા વ્યક્ત કરવામાં આવી રહી છે.
નસવાડી પોલીસની ટીમે હાથ ધરી તપાસ
આ બનાવને પગલે નસવાડી પોલીસની ટીમ પણ ઘટનાસ્થળે પહોચી છે અને વિદ્યાર્થીની તપાસ કરવામાં આવી રહી છે. હજુ સુધી વિદ્યાર્થીની કોઈ માહિતી મળી આવી નથી. આ બનાવની જાણ થતાં સ્થાનિક વહીવટી તંત્રની ટીમ પણ બનાવ સ્થળે દોડી આવી છે. હાલ પોલીસે સ્થાનિક તરવૈયાઓની મદદથી વિદ્યાર્થીની શોધખોળ હાથ ધરી છે.
કાંકરેજની મુખ્ય કેનાલમાંથી મળી આવ્યો હતો યુવતીનો મૃતદેહ
અત્રે ઉલ્લેખનીય છે કે, ગત 23 ફેબ્રુઆરીએ કાંકરેજના ખારીયા નર્મદાની મુખ્ય કેનાલમાંથી યુવતીનો મૃતદેહ મળી આવ્યો હતો. ઘટનાની જાણ થતા થરા પોલીસ ઘટના સ્થળે પહોંચી વધુ તપાસ હાથ ધરી હતી. મૃતદેહને થરા રેફરલ ખાતે પીએમ અર્થ લઇ જવામાં આવ્યો હતો. તો બીજી તરફ કેનાલમાં યુવકની છલાંગ માર્યા હોવાની આશંકાના પગલે શોધખોળ હાથ ધરવામાં આવી હતી.