ગંભીર લાપરવાહી / અમદાવાદમાં પૂરઝડપે કાર ચાલકે રાહદારીઓને ફંગોળ્યા, CCTVમાં કેદ થયો ડેન્જર અકસ્માત

અમદાવાદના મેમનગરમાં હિટ એન્ડ રન કેસમાં આજે સવારે કારચાલકે અનેક વાહનોને અડફેટે લીધા હતા. આ ઘટનામાં આરોપીએ હવે પોતાની ભૂલ સ્વીકારી છે. તેણે કહ્યું કે મને ઘટનાનું ખુબજ દુઃખ છે.

આ સાથે આરોપીએ પોતાનો લુલો બચાવ કરતા કહ્યું કે એક સપ્તાહ પહેલાજ મારી માતાનું નિધન થયું હોવાથી હું આઘાતમાં હતો. અને મારા ભત્રીજાને સ્કૂલે મુકીને આવી રહ્યો હતો જે દરમ્યાન ભૂલથી બ્રેકને બદલે એક્સિલેટર પર પગ દબાઇ ગયો હતો. આરોપીએ કહ્યું કે આ ઘટનાનું મને ખુબજ દુખ છે.

આ ઘટનામાં કાર ચાલકે 7 વાહનોને એક પછી એક અડફેટે લીધા હતા. આ હિટ એન્ડ રનની ઘટનામાં 7 લોકો ઘાયલ થયા હોવાની પ્રાથમિક માહિતી સાંપડી છે. જેમાં એક એક વૃદ્ધા સહિત બે લોકોની હાલત વધુ ગંભીર હોવાનું જાણવા મળ્યું છે. જ્યારે આરોપીની કારમાં દારૂની બોટલ હોવાનો પ્રત્યક્ષદર્શીઓનો આરોપ છે.

પોલીસે આ મામલે આરોપી સામે અકસ્માતનો ગુનો નોંધી વધુ તપાસ હાથ ધરી છે.

આ પણ વાંચોઃ

ફેરવેલમાં પાવર બતાવવા 30 લકઝરી કારનો કાફલો કાઢ્યો, સુરતની શાળાના સીનસપાટા

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ