SHORT & SIMPLE / અમદાવાદની સાયન્સ સિટીમાં ખાસ પ્રકારની શાર્ક માછલીએ બનાવ્યું આકર્ષણ, ફેમિલી-ફ્રેન્ડ્સ સાથે ફરવા જવાનો બનાવો પ્લાન

• સાયન્સ સિટી ખાતે એક્વેટિક ગેલેરીમાં લેમન શાર્ક આકર્ષણનું કેન્દ્ર
• શાર્કને એકવેટિક ગેલેરીમાં મુખ્ય શાર્ક ટનલમાં પ્રદર્શિત કરવામાં આવી
• છ ફૂટ લાંબી એક્વેટિક શાર્ક આકર્ષણનું કેન્દ્ર બની

ગુજરાત સાયન્સ સિટી ખાતે અવનવાં આકર્ષણો છે. તેમાં એક્વેટિક ગેલેરીમાં છ ફૂટ લાંબી ત્રણ લેમન શાર્કનો સમાવેશ કરીને નવું આકર્ષણ ઉમેરવામાં આવ્યું છે. આ શાર્કને એકવેટિક ગેલેરીમાં મુખ્ય શાર્ક ટનલમાં પ્રદર્શિત કરવામાં આવી છે. આ શાર્કની ઓળખમાં તે લીલાશ પડતા પીળા રંગની હોવાથી તેને લેમન શાર્ક તરીકે ઓળખવામાં આવે છે. તે અન્ય શાર્કની સરખામણીએ સ્વભાવે શાંત હોય છે. આ શાર્ક મુખ્યત્વે એટલાન્ટિક અને પ્રશાંત મહાસાગરના છીછરા દરિયાઈ વિસ્તારમાં જ જોવા મળે છે. તેનું વજન ૨૫૦ કિલોગ્રામ જેટલું હોઇ શકે છે. આ શાર્ક આવનારા સમયમાં આઠથી દસ ફૂટ સુધી મોટી થશે. ભારતમાં આ પ્રજાતિની શાર્ક માત્ર ગુજરાત સાયન્સ સિટી ખાતે જ જોવા મળી શકશે. આવનારા સમયમાં આ શાર્ક મુલાકાતીઓમાં આકર્ષણનું કેન્દ્ર બની રહેશે એવી આશા છે.