9 એપ્રિલે જુનિયર ક્લાર્કની પરીક્ષા હોવાથી રાજકોટ અને જૂનાગઢ વચ્ચે 'પરીક્ષા સ્પેશિયલ ટ્રેન' દોડશે. તો એસટી દ્વારા પણ 250 એક્સ્ટ્રા બસો દોડાવાશે.
આવતીકાલે જુનિયર ક્લાર્કની પરીક્ષા
જુનિયર કલાર્કની પરીક્ષા માટે દોડશે સ્પેશિયલ ટ્રેન
રાજકોટ-જૂનાગઢ વચ્ચે દોડશે પરીક્ષા સ્પેશિયલ ટ્રેન
રાજકોટ-જૂનાગઢ-રાજકોટ રૂટની ટ્રેન દોડશે
રાજ્યમાં પેપરકાંડની અવારનવાર સામે આવતી ઘટનાઓ વચ્ચે રવિવારે જુનિયર ક્લાર્કની પરીક્ષા યોજાવા જઈ રહી છે, ત્યારે આ મામલે તંત્ર સહેજ પણ ઢીલી નીતિ અપનાવવા ન માંગતું હોય તેમ સુરક્ષા તેજ બનાવાઈ છે. જુનિયર ક્લાર્કની પરીક્ષાને હવે ઘડીઓ ગણાય રહી છે. પરીક્ષામાં કોઈ પણ પ્રકારની ગેરરીતિ સામે ન આવે તે માટે સુરક્ષા તેજ બનાવાઈ છે. ત્યારે જુનિયર ક્લાર્કની પરીક્ષાને લઈને ઉમેદવારોને કોઈ અગવડ ના પડે તેનું પણ ખાસ ધ્યાન રાખવામાં આવી રહ્યું છે.
વધારાની બસોનું કરાશે સંચાલન
રાજ્ય સરકારના પંચાયત પસંદગી મંડળ દ્વારા 9 એપ્રિલ 2023ના રોજ એટલે કે આવતીકાલે જુનિયર ક્લાર્કની પરીક્ષાનું આયોજન કરવામાં આવ્યું છે. જેમાં લાખોની સંખ્યામાં ઉમેદવારો પરીક્ષા આપશે. જેને પગલે એસ.ટી વિભાગે વધારાની બસનું સંચાલન કરવાનો નિર્ણય કર્યો છે. જુનિયર ક્લાર્ક પરીક્ષાને લઈને રેલવે દ્વારા પણ સ્પેશયલ ટ્રેન દોડાવવામાં આવશે.
આવતીકાલે દોડશે પરીક્ષા સ્પેશિયલ ટ્રેન
આવતીકાલે 9 એપ્રિલે રાજકોટ અને જૂનાગઢ વચ્ચે 'પરીક્ષા સ્પેશિયલ ટ્રેન' દોડશે. રાજકોટ-જૂનાગઢ-રાજકોટ અને જૂનાગઢ-રાજકોટ-જૂનાગઢ 2 ટ્રેન 9 એપ્રિલે દોડશે. રાજકોટથી જૂનાગઢ માટે સવારે 7 વાગ્યે ટ્રેન ઉપડશે, રિટર્ન 3 વાગ્યે ઉપડશે. જૂનાગઢથી રાજકોટ જવા માટે સવારે જૂનાગઢ સ્ટેશનથી 7.30 વાગ્યે ટ્રેન ઉપડશે અને રિટર્ન 2.55 વાગ્યે ઉપડશે. પરીક્ષાને ધ્યાને લઇ એસટી નિગમ દ્વારા પણ 250 એક્સ્ટ્રા બસો દોડાવાશે.
તમામ એસ.ટી બસ હાઉસફુલ
નોંધનીય છે કે, મોટાભાગનાં ઉમેદવારના પરીક્ષા કેન્દ્ર અમદાવાદ, ગાંધીનગર, ભાવનગર, અમરેલી ફાળવાયાં છે. ટ્રાફિકથી બચવા ઉમેદવારોએ અગાઉથી જ એસટી બસમાં એડ્વાન્સ બુકિંગ કરાવી લેતાં 9મીએ અમદાવાદ, ગાંધીનગર, ભાવનગર આવતી જતી એસટી બસ હાઉસફુલ થઇ ગઈ હોવાનું જાણવા મળે છે, જેના કારણે એસટી તંત્ર હવે ઉમેદવાર માટે 350થી વધુ એક્સ્ટ્રા બસ દોડાવશે. જે ઉમેદવારોએ એડવાન્સ બુકિંગ નહીં કરાવ્યું હોય તો તેમને પણ બસપોર્ટ પરથી જે તે રૂટની બસ મળશે. હાલમાં મોટા ભાગના રૂટની બસ ફુલ થઇ ગઈ છે.
પંચાયત બોર્ડે ઉમેદવારોને આપ્યા રૂ.254
એસટી તંત્રના જણાવ્યા અનુસાર વધુ એક્સ્ટ્રા બસની જરૂર પડશે તો વધુ બસ દોડાવવામાં આવશે. ઉમેદવારોએ નિયત ભાડું ચૂકવવું પડશે, પંચાયત બોર્ડ ઉમેદવારોના ખાતામાં રૂ.254 આપવામાં આવ્યા છે. પંચાયચત પસંદગી સેવા બોર્ડ દ્વારા દરેક ઉમેદવારોના ખાતામાં ડીબીડીથી 254 રૂપિયા જમા કરાયા છે.