અમદાવાદ પોલીસ કમિશનરે હેલમેટ પહેર્યા વિના વાહન હંકારતા લોકોને પકડવાની ખાસ ઝુંબેશ હાથ ધરવાનો આદેશ જારી કર્યો છે.
VTV ન્યૂઝના અહેવાલની ફરી એકવાર અસર
હેલ્મેટ વગર ટુ વ્હિલર ચલાવનાર સામે થશે કાર્યવાહી
અમદાવાદ પોલીસ કમિશનરે આપ્યા આદેશ
માર્ચ મહિનાથી રાજ્યમાં ટ્રાફિકના નિયમો કડક કરવામાં આવ્યા છે. હેલ્મેટ અને સીટ બેલ્ટના નિયમનું કડક અમલીકરણ થાય તે માટે ટ્રાફિક ડ્રાઇવની શરુઆત કરવામાં આવી છે પરંતુ તેમ છતાં પણ હજી લોકો લાપરવાહી દાખવી રહ્યા છે. ગુજરાત હાઇકોર્ટે આ બાબતે નિયમ કડક બનાવવા ટકોર કરી છે. ત્યારે હવે જો હેલ્મેટ ન પહેર્યુ તો ખિસ્સા ખાલી થશે તેમાં કોઇ બેમત નહી.
VTV ન્યૂઝ દ્વારા રિયાલીટી ચેક
હાઇકોર્ટે રાજ્ય સરકારને હેલ્મેટનો નિયમ કડક અમલી બને તે માટે ટકોર કરી છે. રાજ્ય સરકાર પણ ટ્રાફિક ડ્રાઇવ ચલાવી રહી છે પરંતુ લોકો હેલ્મેટ પહેરવા અંગે શું વિચારી રહ્યા છે, શા માટે હેલ્મેટ પહેરતા નથી તે અંગે વીટીવી ન્યૂઝ દ્વારા રિયાલીટી ચેક કરવામાં આવ્યુ હતું. સુરત, વડોદરા અને અમદાવાદમાં હેલ્મેટ પહેરવા અંગે વાહનચાલકોના મંતવ્યો જાણવામાં આવ્યા.
VTV ન્યૂઝના રિયાલિટી ચેક બાદ પોલીસ કમિશનરે આપ્યા આદેશ
અમદાવાદના પોલીસ કમિશનર સંજય શ્રીવાસ્તવે પોલીસ અધિકારીને આદેશ કર્યો છે કે, હેલમેટ પહેર્યા વગર નાગરિકો કાયદાનો ભંગ કરી વાહન ચલાવતા હોવાનું ધ્યાને આવે તો અથવા ટ્રાફિકના નિયમોનું ઉલ્લંધન કરે છે. તો તેની સામે દંડાત્મક કાર્યાવાહી કરવામાં આવે આ બાબતે ચુસ્ત પણે અમલ કરવા માટે અગામી 26 માર્ચથી 1 એપ્રિલ એટલેકે, એક સપ્તાહ સુધી સુધી ખાસ ઝુંબેશ શરૂ કરવાનો આદેશ અપાયો છે.